ਬੀ.ਸੀ.ਦੇ ਸ਼ਤੁਰਮੁਰਗਾਂ ਦੀ ਕਿਸਮਤ ਸੁਪਰੀਮ ਕੋਰਟ ਦੇ ਹੱਥ, ਫ਼ੈਸਲਾ ਅੱਜ

ਬੀ.ਸੀ.ਦੇ ਸ਼ੁਤਰਮੁਰਗ ਫਾਰਮ ਦੇ ਮਾਮਲੇ ਵਿਚ ਸੁਪਰੀਮ ਕੋਰਟ ਔਫ ਕੈਨੇਡਾ ਸ਼ਤਰਮੁਰਗਾਂ ਨੂੰ ਮਾਰਨ ਤੋਂ ਬਚਾਉਣ ਦੀ ਅੰਤਿਮ ਅਪੀਲ ਸੁਣਨ ਜਾਂ ਨਾ ਸੁਣਨ ਬਾਰੇ ਅੱਜ ਫੈਸਲਾ ਦੇਵੇਗਾ। ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਇਸ ਤੋਂ ਪਹਿਲਾਂ ਫੈਡਰਲ ਕੋਰਟ ਅਤੇ ਫੈਡਰਲ ਕੋਰਟ ਔਫ ਅਪੀਲ ਵਿਚ ਸੀ.ਐਫ.ਆਈ.ਏ. ਦੇ ਮਾਰਨ ਦੇ ਹੁਕਮ ਖਿਲਾਫ਼ ਕਾਨੂੰਨੀ ਚੁਣੌਤੀਆਂ ਹਾਰ ਚੁੱਕਾ ਹੈ ਅਤੇ ਉਸ ਦੇ 300 ਦੇ ਕਰੀਬ ਸ਼ਤਰਮੁਰਗਾਂ ਦੀ ਕਿਸਮਤ ਹੁਣ ਸਰਵਉੱਚ ਅਦਾਲਤ ਦੇ ਫੈਸਲੇ 'ਤੇ ਟਿਕੀ ਹੈ।

ਕੈਨੇਡੀਅਨ ਫੂਡ ਇਨਸਪੈਕਸ਼ਨ ਏਜੰਸੀ ਨੇ ਦਸੰਬਰ 2024 ਵਿਚ ਐਜਵੁੱਡ ਵਿਚ ਸਥਿਤ ਇਸ ਫਾਰਮ ਦੇ ਕੁਝ ਸ਼ੁਤਰਮੁਰਗਾਂ ਵਿਚ ਏਵੀਅਨ ਫਲੂ ਦਾ ਪਤਾ ਲੱਗਣ ਤੋਂ ਬਾਅਦ ਇਸ ਨੂੰ ਆਪਣੇ ਸ਼ੁਤਰਮੁਰਗਾਂ ਦੇ ਲਗਭਗ ਪੂਰੇ ਝੁੰਡ ਨੂੰ ਮਾਰਨ ਦਾ ਆਦੇਸ਼ ਦਿੱਤਾ ਸੀ ਪਰ ਉਦੋਂ ਤੋਂ ਇਹ ਫਾਰਮ ਇਸ ਖਿਲਾਫ ਲੜਾਈ ਅਦਾਲਤਾਂ ਵਿਚ ਲੜ ਰਿਹਾ ਹੈ।

ਸੁਪਰੀਮ ਕੋਰਟ ਨੇ ਇਸ ਮਾਮਲੇ ਦੀ ਸੁਣਵਾਈ ਕਰਨ ਜਾਂ ਨਾ ਕਰਨ ਬਾਰੇ ਫੈਸਲਾ ਆਉਣ ਤੱਕ ਸਤੰਬਰ ਵਿਚ ਮਾਰਨ ਦੇ ਹੁਕਮ 'ਤੇ ਰੋਕ ਲਗਾ ਦਿੱਤੀ ਸੀ ਅਤੇ ਹੁਣ ਜੇ ਸਰਵਉੱਚ ਅਦਾਲਤ ਇਸ ਰੋਕ ਨੂੰ ਹਟਾ ਦਿੰਦੀ ਹੈ ਤਾਂ ਸੀ.ਐਫ.ਆਈ.ਏ.ਵਲੋਂ ਸ਼ਤਰਮੁਰਗਾਂ ਨੂੰ ਮਾਰੇ ਜਾਣ ਦਾ ਰਸਤਾ ਸਾਫ ਹੋ ਜਾਵੇਗਾ।