14.67C Vancouver 14.67C VancouverMar 11, 2024 6:29 PM - The Canadian Press
ਸਰੀ ਮੈਮੋਰੀਅਲ ਹਸਪਤਾਲ ਨੂੰ ਇੱਕ ਨਵਾਂ ਏਕਿਊਟ ਕੇਅਰ ਟਾਵਰ ਮਿਲਣ ਜਾ ਰਿਹਾ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਅੱਜ ਸਵੇਰੇ ਹਸਪਤਾਲ ਵਿਚ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਇਹ ਐਲਾਨ ਕੀਤਾ।
ਈਬੀ ਨੇ ਕਿਹਾ ਕਿ ਸਰੀ ਦੀ ਤੇਜ਼ੀ ਨਾਲ ਵੱਧ ਰਹੀ ਆਬਾਦੀ ਨੂੰ ਇਸ ਦੇ ਨਾਲ ਵਧਣ ਵਾਲੀ ਸਿਹਤ ਸੰਭਾਲ ਦੀ ਵੀ ਜ਼ਰੂਰਤ ਹੈ। ਈਬੀ ਨੇ ਕਿਹਾ ਕਿ ਸਿਹਤ ਸੰਭਾਲ ਹਰ ਕਿਸੇ ਦੀ ਪਹੁੰਚ ਵਿਚ ਹੋਣੀ ਚਾਹੀਦੀ ਹੈ ਅਤੇ ਇਸ ਵਿਚ ਲੰਮਾ ਇੰਤਜ਼ਾਰ ਨਹੀ ਹੋਣਾ ਚਾਹੀਦਾ।ਈਬੀ ਅਨੁਸਾਰ ਸਰੀ ਵਿਚ ਵਿਸ਼ਵ ਪੱਧਰੀ ਸਿਹਤ ਸੰਭਾਲ ਉਪਲਬਧ ਹੋਣੀ ਚਾਹੀਦੀ ਹੈ।
ਈਬੀ ਨੇ ਸਰੀ ਮੈਮੋਰੀਅਲ ਹਸਪਤਾਲ ਲਈ ਨਵੇਂ ਏਕਿਊਟ ਕੇਅਰ ਟਾਵਰ ਦਾ ਐਲਾਨ ਕਰਦੇ ਕਿਹਾ ਕਿ ਇਸ ਦਾ ਉਦੇਸ਼ ਹੈ ਕਿ ਫਰੇਜ਼ਰ ਨਦੀ ਦੇ ਦੱਖਣ ਵਿੱਚ ਵਧੇਰੇ ਹਸਪਤਾਲ ਦੇ ਬਿਸਤਰੇ ਅਤੇ ਵਧੇਰੇ ਸੇਵਾਵਾਂ ਜੋੜ ਕੇ ਸਥਾਨਕ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕੀਤੀ ਜਾ ਸਕੇ।
ਡਿਕਸ ਨੇ ਕਿਹਾ ਕਿ ਇਹ ਨਵਾਂ ਟਾਵਰ ਸਿਹਤ ਸੰਭਾਲ ਸੇਵਾਵਾਂ ਵਿੱਚ ਇਤਿਹਾਸਕ ਨਿਵੇਸ਼ਾਂ ਵਿੱਚੋਂ ਇੱਕ ਹੈ ਜੋ ਸਰੀ ਦੇ ਲੋਕਾਂ ਦੀ ਜ਼ਿੰਦਗੀ ਵਿੱਚ ਬਹੁਤ ਵੱਡਾ ਫਰਕ ਲਿਆਏਗਾ। ਇਹ ਪ੍ਰੋਜੈਕਟ ਅਗਲੇ 15 ਤੋਂ 18 ਮਹੀਨਿਆਂ ਵਿੱਚ ਸ਼ੁਰੂ ਹੋਣ ਦੀ ਉਮੀਦ ਹੈ।
