ਸਰੀ ਕੌਂਸਲ ਵੱਡੇ ਸੜਕ ਪ੍ਰੋਜੈਕਟਾਂ ਲਈ $15.9 ਮਿਲੀਅਨ ਦੇ ਇਕਰਾਰਨਾਮੇ 'ਤੇ ਕਰੇਗੀ ਵੋਟ

ਸਰੀ ਕੌਂਸਲ ਵਲੋਂ ਸੋਮਵਾਰ ਦੀ ਰੈਗੂਲਰ ਮੀਟਿੰਗ ਵਿਚ ਕੈਂਪਬੈਲ ਹਾਈਟਸ ਵਿਚ 16 ਐਵੇਨਿਊ ਤੋਂ 28 ਐਵੇਨਿਊ ਤੱਕ 192 ਸਟਰੀਟ ਵਿਚ ਅਡੀਸ਼ਨਲ ਟਰੈਵਲ ਲੇਨ ਜੋੜਨ ਅਤੇ 152 ਸਟ੍ਰੀਟ ਤੋਂ ਹਾਈਵੇਅ 15 ਵਿਚਕਾਰ 72 ਐਵੇਨਿਊ ਦੇ ਵਿਸਥਾਰ ਲਈ ਲਗਭਗ $16 ਮਿਲੀਅਨ ਦੇ combined contract ਨੂੰ ਹਰੀ ਝੰਡੀ ਦਿੱਤੀ ਜਾ ਸਕਦੀ ਹੈ।

ਮੇਅਰ ਬ੍ਰੈਂਡਾ ਲੌਕ ਨੇ ਕਿਹਾ ਕਿ ਇਸ ਨਾਲ ਟ੍ਰੈਫਿਕ ਦੇ ਭੀੜ-ਭੜੱਕੇ ਨੂੰ ਘਟਾਉਣ ਵਿਚ ਮਦਦ ਮਿਲੇਗੀ ਅਤੇ ਸ਼ਹਿਰ ਦੇ ਵਿਕਾਸ ਤੇ ਆਰਥਿਕਤਾ ਨੂੰ ਸਮਰਥਨ ਮਿਲੇਗਾ।

ਮੇਅਰ ਨੇ ਕਿਹਾ ਮੈਨੂੰ ਖੁਸ਼ੀ ਹੈ ਕਿ ਅਸੀਂ 72 ਐਵੇਨਿਊ ਕੋਰੀਡੋਰ ਪ੍ਰੋਜੈਕਟ ਨੂੰ ਅੱਗੇ ਵਧਾ ਰਹੇ ਹਾਂ। 192 ਸਟ੍ਰੀਟ 'ਤੇ ਕੰਮ 2026 ਦੀਆਂ ਗਰਮੀਆਂ ਵਿਚ ਪੂਰਾ ਹੋਣ ਦੀ ਉਮੀਦ ਜਤਾਈ ਗਈ ਹੈ। ਉਥੇ ਹੀ, 72 ਐਵੇਨਿਊ ਐਕਸਟੈਂਸ਼ਨ ਦਾ ਕੰਮ ਕਈ ਦੌਰ ਵਿਚ ਹੋਵੇਗਾ। ਇਸ ਦਾ ਨਿਰਮਾਣ ਵੱਡੇ ਫਾਰਮ ਵਾਹਨ ਨੂੰ ਧਿਆਨ ਵਿਚ ਰੱਖਦੇ ਹੋਏ ਹੋਵੇਗਾ।