12.29C Vancouver 12.29C VancouverJan 7, 2023 1:18 AM - Connect News
ਸਰ੍ਹੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਆਦਮੀ ਨੂੰ ਲੋਕੇਟ ਕਰਨ 'ਚ ਲੋਕਾਂ ਦੇ ਸਹਿਯੋਗ ਦੀ ਮਦਦ ਲਈ ਅਪੀਲ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਆਦਮੀ ਦੀ ਭਾਲ ਕੈਨੇਡਾ ਭਰ ਦੇ ਵਾਰੰਟ 'ਤੇ ਕੀਤੀ ਜਾ ਰਹੀ ਹੈ ਜਿਸ ਦਾ ਨਾਮ ਜੇਡਨ ਕਾਹਨਾਪੇਸ-ਨਿਊਟਨ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਬੀਤੇ ਸਾਲ 28 ਸਿਤੰਬਰ ਨੂੰ ਇਸ ਵਿਅਕਤੀ ਨੂੰ 14 ਦੋਸ਼ਾਂ (ਡਕੈਤੀ ਸਮੇਤ ਕਈ ਦੋਸ਼) 'ਚ ਟ੍ਰਾਇਲ ਤੋਂ ਪਹਿਲਾਂ ਰਿਹਾਅ ਕੀਤਾ ਗਿਆ ਸੀ।
ਜੱਜ ਨੇ ਕੁਝ ਸਖਤ ਸ਼ਰਤਾਂ 'ਤੇ ਇਸ ਵਿਅਕਤੀ ਨੂੰ ਰਿਹਾਅ ਕੀਤਾ ਸੀ, ਜਿਸ 'ਚ ਇਲੈਕਟਰੌਨਿਕ ਮੌਨਿਟਰਿੰਗ ਵੀ ਸ਼ਾਮਿਲ ਸੀ ਪਰ ਪੁਲਿਸ ਦਾ ਕਹਿਣਾ ਹੈ ਕਿ ਬੀਤੇ ਸਾਲ 1 ਦਿਸੰਬਰ ਨੂੰ ਇਸ ਵਿਅਕਤੀ ਖਿਲਾਫ ਕੈਨੇਡਾ ਭਰ ਦਾ ਵਾਰੰਟ ਜਾਰੀ ਕਰ ਦਿੱਤਾ ਗਿਆ।
ਪੁਲਿਸ ਮੁਤਾਬਿਕ ਇਸ ਵਿਅਕਤੀ ਨੇ ਇਲੈਕਟਰੌਨਿਕ ਡਿਵਾਈਸ ਨਾਲ ਛੇੜਛਾੜ ਕੀਤੀ ਜਾਂ ਉਸ ਨੂੰ ਉਤਾਰ ਦਿੱਤਾ ਅਤੇ ਪੁਲਿਸ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਉਸ ਨੂੰ ਟਰੈਕ ਨਹੀਂ ਕਰ ਸਕੀ ਹੈ।
ਇਸ ਵਿਅਕਤੀ ਦੀ ਉਮਰ 20 ਤੋਂ 30 ਸਾਲ ਦੇ ਦਰਮਿਆਨ, ਕੱਦ ਕਰੀਬ 6'2" ਅਤੇ ਭਾਰ ਕਰੀਬ 243 ਪਾਉਂਡ ਦੱਸਿਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਵਿਅਕਤੀ ਆਮ ਤੌਰ 'ਤੇ ਬੀ.ਸੀ. ਲੋਅਰ ਮੇਨਲੈਂਡ ਅਤੇ ਐਲਬਰਟਾ 'ਚ ਕੈਲਗਰੀ ਦਾ ਗੇੜਾ ਰੱਖਦਾ ਸੀ।
