10.81C Vancouver 10.81C VancouverNov 17, 2025 5:10 PM - Connect Newsroom - Jasmine Singh
ਸਰੀ ਦੇ ਇੱਕ 84 ਸਾਲਾ ਬਜ਼ੁਰਗ ਦੇ ਲਾਪਤਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਲੱਭਣ ਵਿਚ ਲੋਕਾਂ ਤੋਂ ਮਦਦ ਮੰਗੀ ਗਈ ਹੈ।ਸਰੀ ਪੁਲਿਸ ਸਰਵਿਸ ਅਤੇ ਆਰ.ਸੀ.ਐਮ.ਪੀ. ਦੀ ਸਰੀ ਪ੍ਰੋਵਿੰਸ਼ੀਅਲ ਓਪਰੇਸ਼ਨ ਸਪੋਰਟ ਯੂਨਿਟ ਦਾ ਕਹਿਣਾ ਹੈ ਕਿ ਵੌਨ ਕਿਲ ਕਿਮ ਨੂੰ ਆਖਰੀ ਵਾਰ ਐਤਵਾਰ ਨੂੰ ਸਵੇਰ ਲਗਭਗ 7 ਵਜੇ 155ਏ ਸਟ੍ਰੀਟ ਦੇ 10300-ਬਲਾਕ ਵਿਚ ਦੇਖਿਆ ਗਿਆ ਸੀ।
ਐਸ.ਪੀ.ਐਸ ਦੀ ਇੱਕ ਰਿਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਉਸ ਤੋਂ ਬਾਅਦ ਕਿਮ ਨੂੰ ਨਾ ਤਾਂ ਦੇਖਿਆ ਗਿਆ ਅਤੇ ਨਾ ਹੀ ਉਸ ਨਾਲ ਕੋਈ ਸੰਪਰਕ ਹੋਇਆ ਹੈ। ਪੁਲਿਸ ਮੁਤਾਬਕ, ਬਜ਼ੁਰਗ ਵਲੋਂ ਘਰੋਂ ਨਿਕਲਣ ਤੋਂ ਪਹਿਲਾਂ ਇਹ ਕਿਹਾ ਗਿਆ ਸੀ ਕਿ ਉਹ ਬਰਨਬੀ ਵਿਚ ਚਰਚ ਜਾਵੇਗਾ ਅਤੇ ਫਿਰ ਗਰਾਊਸ ਮਾਊਂਟੇਨ ਇਲਾਕੇ ਵਿਚ ਹਾਈਕਿੰਗ ਕਰੇਗਾ ਪਰ ਹੁਣ ਤੱਕ ਇਹ ਪਤਾ ਨਹੀਂ ਲੱਗਾ ਕਿ ਉਹ ਇਨ੍ਹਾਂ ਵਿਚੋਂ ਕਿਸੇ ਵੀ ਸਥਾਨ 'ਤੇ ਗਿਆ ਸੀ ਜਾਂ ਨਹੀਂ।
ਕਿਮ ਦਾ ਕੱਦ 5 ਫੁੱਟ 5 ਇੰਚ ਅਤੇ ਉਸ ਨੂੰ ਕੋਰੀਅਨ ਮੇਲ ਦੱਸਿਆ ਗਿਆ ਹੈ। ਐਸ.ਪੀ.ਐਸ. ਨੇ ਕਿਹਾ ਕਿ ਪੁਲਿਸ ਅਤੇ ਪਰਿਵਾਰ ਬਜ਼ੁਰਗ ਦੀ ਸਹੀ-ਸਲਾਮਤੀ ਨੂੰ ਲੈ ਕੇ ਚਿੰਤਤ ਹਨ ਅਤੇ ਜੇ ਕਿਸੇ ਨੂੰ ਉਸ ਬਾਰੇ ਪਤਾ ਹੋਵੇ ਤਾਂ ਉਹ 604-599-0502 'ਤੇ ਸੰਪਰਕ ਕਰ ਸਕਦਾ ਹੈ।
