20.61C Vancouver 20.61C VancouverJul 26, 2021 9:04 PM -
ਸਰੀ ਪੁਲਿਸ ਬੋਰਡ ਨੇ ਸਪਸ਼ਟ ਕੀਤਾ ਹੈ ਕਿ ਹਾਲ 'ਚ ਦਿੱਤੇ ਗਏ ਕੁਝ ਬਿਆਨ, ਜਿੱਥੇ ਪੁਲਿਸ ਟ੍ਰਾੰਜ਼ਿਸ਼ਨ ਅਤੇ ਸਰੀ ਪੁਲਿਸ ਸਰਵਿਸ ਦੀ ਡਵੈਲਪਮੈਂਟ ਨੂੰ ਰੋਕਣ ਦੀ ਗੱਲ ਆਖੀ ਗਈ ਹੈ, ਉਹ ਬਿਆਨ ਗਲਤ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਐਸ.ਪੀ.ਐਸ. ਦੀ ਟ੍ਰਾੰਜ਼ਿਸ਼ਨ ਦਾ ਪਲੈਨ ਫਰਵਰੀ 2020 'ਚ ਸੂਬਾ ਸਰਕਾਰ ਨੇ ਪਾਸ ਕੀਤਾ ਸੀ।
ਇਸ ਦੇ ਚਲਦਿਆਂ ਸੂਬੇ ਨੇ ਸਰੀ ਪੁਲਿਸ ਬੋਰਡ ਦਾ ਗਠਨ ਕੀਤਾ ਹੈ।
ਇਸ ਤੋਂ ਬਾਅਦ ਕਨੂੰਨੀ ਢੰਗ ਨਾਲ ਪੁਲਿਸ ਐਕਟ ਅਨੁਸਾਰ ਪੁਲਿਸ ਬੋਰਡ ਦਾ ਗਠਨ ਕੀਤਾ ਗਿਆ ਹੈ।
ਇਹ ਵੀ ਦੱਸਿਆ ਗਿਆ ਕਿ ਇਸ ਦੇ ਨਾਲ ਹੁਣ ਸਰੀ ਪੁਲਿਸ ਸਰਵਿਸ ਸੂਬੇ ਸਰਕਾਰ ਦੇ ਹੇਠ ਆਉਂਦੀ ਹੈ ਅਤੇ ਇਹ ਕਿਸੇ ਲੋਕਲ ਸਰਕਾਰ ਹੇਠ ਨਹੀਂ ਆਉਂਦੀ।
ਬੋਰਡ ਦਾ ਕਹਿਣਾ ਹੈ ਕਿ ਕੁਝ ਪਾਰਟੀਆਂ ਆਖ ਰਹੀਆਂ ਹਨ ਕਿ ਜੇਕਰ ਉਹ ਮੇਅਰ ਬਣਾਉਂਦੀਆਂ ਹਨ ਤਾਂ ਐਸ.ਪੀ.ਐਸ. ਨੂੰ ਆਉਣ ਤੋਂ ਰੋਕ ਲਿਆ ਜਾਵੇਗਾ।
ਜਾਣਕਾਰੀ ਦਿੱਤੀ ਗਈ ਕਿ ਮੇਅਰ ਜਾਂ ਕਾਉਂਸਿਲ ਇਸ ਪ੍ਰਕਾਰ ਦਾ ਫੈਸਲਾ ਸੂਬਾ ਸਰਕਾਰ ਦੀ ਮਨਜ਼ੂਰੀ ਬਗੈਰ ਨਹੀਂ ਲੈ ਸਕਦੇ।
