8.7C Vancouver 8.7C VancouverNov 14, 2025 5:04 PM - Connect Newsroom - Jasmine Singh
ਸਰੀ ਪੁਲਿਸ ਸਰਵਿਸ ਨੇ ਸਤੰਬਰ ਵਿਚ ਇੱਕ 10 ਸਾਲਾ ਲੜਕੀ 'ਤੇ ਹੋਏ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਿਚ ਸ਼ੱਕੀ ਦੀ ਪਛਾਣ ਲਈ ਮਦਦ ਦੀ ਅਪੀਲ ਕੀਤੀ ਹੈ। ਪੁਲਿਸ ਮੁਤਾਬਕ, ਇਹ ਘਟਨਾ 17 ਸਤੰਬਰ ਨੂੰ 138 ਸਟ੍ਰੀਟ ਦੇ 7100 ਬਲਾਕ ਵਿਚ ਇੱਕ business ਵਿਚ ਵਾਪਰੀ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਲੜਕੀ ਨੇ ਦੱਸਿਆ ਕਿ ਇੱਕ ਨੌਜਵਾਨ ਉਸ ਕੋਲ ਆਇਆ ਜਿਸ ਨੇ ਉਸ ਨੂੰ ਗਲਤ ਤਰੀਕੇ ਨਾਲ ਛੂਹਿਆ ਅਤੇ ਮੌਕੇ ਤੋਂ ਭੱਜ ਗਿਆ।
ਪੁਲਿਸ ਨੇ ਮਾਮਲੇ ਵਿਚ ਸ਼ੱਕੀ ਵਿਅਕਤੀ ਦੀ ਇੱਕ ਤਸਵੀਰ ਜਾਰੀ ਕੀਤੀ ਹੈ, ਜਿਸ ਦੀ ਉਮਰ 20 ਤੋਂ 30 ਸਾਲ ਹੋਣ ਦਾ ਅਨੁਮਾਨ ਹੈ ਅਤੇ ਉਸ ਦਾ ਕੱਦ 5 ਫੁੱਟ 9 ਇੰਚ ਹੈ। ਉਸ ਸਮੇਂ ਸ਼ੱਕੀ ਨੇ ਨੀਲੇ ਰੰਗ ਦੀ ਲੰਮੀ ਬਾਂਹਾਂ ਵਾਲੀ ਕਮੀਜ਼, ਗੂੜ੍ਹੇ ਰੰਗ ਦੀ ਓਵਰਆਲ ਪਾਏ ਹੋਏ ਸਨ ਅਤੇ ਹਲਕੇ ਰੰਗ ਦੀ ਟੋਪੀ ਤੇ ਕ੍ਰਾਸ-ਬਾਡੀ ਬੈਗ ਤੋਂ ਇਲਾਵਾ ਕੰਨਾਂ 'ਤੇ ਹੈੱਡਫੋਨ ਲਗਾਏ ਹੋਏ ਸਨ।
ਸਤੰਬਰ ਵਿਚ ਵਾਪਰੀ ਇਸ ਘਟਨਾ ਜਾਂ ਸ਼ੱਕੀ ਵਿਅਕਤੀ ਦੀ ਪਛਾਣ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਐਸ.ਪੀ.ਐਸ. ਨਾਲ 604-599-0502 'ਤੇ ਸੰਪਰਕ ਕਰਨ ਜਾਂ ਕ੍ਰਾਈਮ ਸਟੌਪਰਜ਼ ਨੂੰ 1-800-222-8477 'ਤੇ ਕਾਲ ਕਰਨ ਦੀ ਅਪੀਲ ਕੀਤੀ ਗਈ ਹੈ।
