25.11C Vancouver 25.11C VancouverJan 18, 2021 6:44 PM -
ਸਰੀ ਪੁਲਿਸ ਸਰਵਿਸ ਨੇ ਆਪਣੇ 3 ਵਿੱਚੋਂ ਦੂਜੇ ਡਿਪਟੀ ਚੀਫ਼ ਕਾਂਸਟੇਬਲ ਦੀ ਨਿਯੁਕਤੀ ਕਰ ਲਈ ਹੈ।
ਮਾਈਕ ਲੇਸਾਜ ਨੂੰ ਡਿਪਟੀ ਚੀਫ਼ ਕਾਂਸਟੇਬਲ ਵਜੋਂ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਇੱਕ ਪ੍ਰੈਸ ਰਿਲੀਜ਼ 'ਚ ਦੱਸਿਆ ਗਿਆ ਕਿ ਮਾਈਕ ਲੇਸਾਜ ਆਪਣੇ ਨਾਲ ਚੰਗਾ ਉਦਾਹਰਣ ਪੇਸ਼ ਕਰਨ ਵਾਲੀ ਸਰਵਿਸ, ਐਕਸਪਰਟੀਜ਼ (ਮਾਹਿਰ ਸੋਚ), ਅਤੇ ਸਭਿਆਚਾਰਕ ਅਤੇ ਆਪ੍ਰੇਸ਼ਨਲ ਪ੍ਰੀਕਿਰਿਆ ਦੀ ਪੁਲਿਸ ਲੀਡਰਸ਼ਿਪ ਲਿਆਏ ਹਨ।
ਉਨ੍ਹਾਂ ਦੇ ਇਸ ਸਾਲ ਫਰਵਰੀ ਮਹੀਨੇ 'ਚ ਸਰੀ ਪੁਲਿਸ ਸਰਵਿਸ ਨਾਲ ਕੰਮ ਸ਼ੁਰੂ ਕਰਨ ਦੀ ਉਮੀਦ ਹੈ।
ਦੱਸਿਆ ਗਿਆ ਕਿ ਨਵੇਂ ਨਿਯੁਕਤ ਕੀਤੇ ਅਫ਼ਸਰ ਨੂੰ ਲੋਕਲ, ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ 24 ਸਾਲ ਦਾ ਤਜੁਰਬਾ ਹੈ।
ਇਹ ਵੀ ਦੱਸਿਆ ਗਿਆ ਕਿ ਨਵੇਂ ਡਿਪਟੀ ਚੀਫ਼ ਕਾਂਸਟੇਬਲ ਨੇ ਆਪਣਾ ਪੂਰਾ ਕਰੀਅਰ, ਆਰ.ਸੀ.ਐਮ.ਪੀ. ਅਫ਼ਸਰ ਵਜੋਂ ਸੇਵਾਵਾਂ ਨਿਭਾਈਆਂ ਹਨ।
ਮੌਜੂਦਾ ਸਮੇਂ ਉਹ ਬੀ.ਸੀ. ਦੇ ਚੀਫ਼ ਅਫ਼ਸਰ, ਕੰਬਾਇੰਡ ਫੋਰਸਿਜ਼ ਸਪੈਸ਼ਲ ਇੰਫੋਰਸਮੈਂਟ ਯੂਨਿਟ ਦੇ ਅਸਿਸਟੈਂਟ ਕਮਿਸ਼ਨਰ ਦੀ ਭੂਮਿਕਾ ਨਿਭਾ ਰਹੇ ਸਨ।
ਡਿਪਟੀ ਲੇਸਾਜ ਦਾ ਕਹਿਣਾ ਹੈ ਕਿ, "ਇਹ ਇੱਕ ਵਿਲੱਖਣ ਮੌਕਾ ਹੈ, ਜਦ ਇੱਕ ਪੁਲਿਸ ਅਜੈਂਸੀ ਨੂੰ ਜ਼ਮੀਨ ਤੋਂ ਖੜਾ ਕਰਨ ਦਾ ਮੌਕਾ ਮਿਲ ਰਿਹਾ ਹੈ।"
