14.16C Vancouver 14.16C VancouverFeb 5, 2024 7:57 PM - Connect News
ਸਰੀ ਪੁਲਿਸ ਸਰਵਿਸ ਸ਼ਹਿਰ ਵਾਸੀਆਂ ਦੀ ਸੇਫਟੀ ਲਈ 11 ਹੋਰ ਪੁਲਿਸ ਅਫਸਰਾਂ ਨੂੰ ਫਰੰਟਲਾਈਨ ਪੁਲਿਸਿੰਗ ਵਿਚ ਤਾਇਨਾਤ ਕਰ ਰਹੀ ਹੈ।
ਇਸ ਨਾਲ ਸ਼ਹਿਰ ਵਿਚ ਸਰੀ ਪੁਲਿਸ ਸਰਵਿਸ ਦੇ ਅਫਸਰਾਂ ਦੀ ਗਿਣਤੀ ਕੁੱਲ 200 ਹੋ ਗਈ ਹੈ।
ਨਵੇਂ ਤਾਇਨਾਤ ਕੀਤੇ ਜਾ ਰਹੇ ਅਫਸਰਾਂ ਵਿਚ 4 ਸਾਰਜੈਂਟ ਅਤੇ 7 ਕੌਂਸਟੇਬਲ ਹਨ, ਜਿਨ੍ਹਾਂ ਕੋਲ ਫਰੰਟਲਾਈਨ ਪੁਲਿਸਿੰਗ ਵਿਚ ਚੰਗਾ ਤਜਰਬਾ ਹੈ।
ਸਰੀ ਪੁਲਿਸ ਸਰਵਿਸ ਵਲੋਂ ਇਹ 2024 ਵਿਚ ਤਾਇਨਾਤ ਕੀਤੇ ਗਏ ਅਧਿਕਾਰੀਆਂ ਦੀ ਪਹਿਲੀ ਟੁਕੜੀ ਹੈ ਅਤੇ ਪੁਲਿਸਿੰਗ ਤਬਦੀਲੀ ਲਈ ਇਸ ਸਾਲ ਇਸ ਵਿਚ ਲਗਾਤਾਰ ਕੰਮ ਜਾਰੀ ਰਹੇਗਾ।
ਸਰੀ ਪੁਲਿਸ ਸਰਵਿਸ ਨੂੰ ਉਮੀਦ ਹੈ ਕਿ ਉਸ ਨੂੰ ਆਪਣੇ ਸਟਾਫ ਸਾਰਜੈਂਟ ਅਤੇ ਇੰਸਪੈਕਟਰਾਂ ਨੂੰ ਤਾਇਨਾਤ ਕਰਨ ਲਈ ਵੀ ਜਲਦ ਮਨਜ਼ੂਰੀ ਦਿੱਤੀ ਜਾਵੇਗੀ ਜਿਸ ਨਾਲ ਫਰੰਟਲਾਈਨ ਅਫਸਰਾਂ ਅਤੇ ਜਨਤਾ ਨੂੰ ਵਧੇਰੇ ਪ੍ਰਭਾਵਸ਼ਾਲੀ ਢੰਗ ਨਾਲ ਸਹਾਇਤਾ ਕੀਤੀ ਜਾ ਸਕੇਗੀ।
ਚੀਫ ਕੌਂਸਟੇਬਲ ਨੌਮ ਲਿਪਿੰਸਕੀ ਨੇ ਕਿਹਾ ਕਿ ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ 2024 ਸਰੀ ਪੁਲਿਸ ਸਰਵਿਸ ਦੇ ਵਿਕਾਸ ਲਈ ਮਹੱਤਵਪੂਰਨ ਸਾਲ ਸਾਬਤ ਹੋਣ ਵਾਲਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸ਼ਹਿਰ ਵਿਚ ਹੁਣ ਸਰੀ ਪੁਲਿਸ ਸਰਵਿਸ ਜਾਣੀ ਜਾਣ ਲੱਗੀ ਹੈ।
