18.16C Vancouver 18.16C VancouverAug 18, 2022 12:20 AM - Connect News
ਸਰੀ ਪੁਲਿਸ ਸਰਵਿਸ ਦੇ ਇੱਕ ਅਫ਼ਸਰ ਦੀ ਗ੍ਰਿਫਤਾਰੀ ਦੀ ਖਬਰ ਸਾਹਮਣੇ ਆਈ ਹੈ।
ਗ੍ਰਿਫਤਾਰੀ ਮੰਗਲਵਾਰ ਨੂੰ ਹੋਈ ਦੱਸੀ ਗਈ।
ਐਸ.ਪੀ.ਐਸ. ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਪਾਰਦਰਸ਼ਤਾ ਬਣਾ ਕੇ ਰੱਖਣ ਦੇ ਇਰਾਦੇ ਨਾਲ ਇਹ ਜਾਣਕਾਰੀ ਸਾਂਝੀ ਕੀਤੀ ਜਾ ਰਹੀ ਹੈ ਅਤੇ ਅਫ਼ਸਰ ਨੂੰ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਹੈ।
ਇਸ ਅਫ਼ਸਰ 'ਤੇ ਭਰੋਸਾ ਤੋੜਨ ਦੇ ਦੋਸ਼ ਲਗਾਉਣ ਦੀ ਸਿਫਾਰਸ਼ ਕੀਤੀ ਗਈ ਹੈ।
ਹਾਲਾਂਕਿ ਦੋਸ਼ਾਂ ਨੂੰ ਹਾਲ ਦੀ ਘੜੀ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਵੱਲੋਂ ਮਨਜੂਰ ਨਹੀਂ ਕੀਤਾ ਗਿਆ ਹੈ।
ਇਸ ਅਫ਼ਸਰ ਦੀ ਐਸ.ਪੀ.ਐਸ. 'ਚ ਨਿਯੁਕਤੀ ਇਸੇ ਸਾਲ ਮਈ ਮਹੀਨੇ 'ਚ ਹੋਈ ਸੀ।
ਉਸ ਦਾ ਪੁਲਿਸ ਨਾਲ ਇਸ ਤੋਂ ਪਹਿਲਾਂ ਦਾ ਕਰੀਬ ਇੱਕ ਸਾਲ ਦਾ ਤਜਰਬਾ ਰਿਹਾ ਸੀ।
ਐਸ.ਪੀ.ਐਸ. ਚੀਫ਼ ਕਾਂਸਟੇਬਲ ਨੌਰਮ ਲਿਪਿੰਸਕੀ ਨੇ ਕਿਹਾ ਕਿ ਅਫ਼ਸਰ ਨੂੰ 'ਵਿਦ ਪੇਅ' ਸਸਪੈਂਡ ਕੀਤਾ ਗਿਆ ਹੈ।
ਮਾਮਲੇ ਦੀ ਜਾਂਚ ਸਰੀ ਆਰ.ਸੀ.ਐਮ.ਪੀ. ਕੋਲ ਹੈ।
ਅਫ਼ਸਰ ਦੀ ਪਛਾਣ ਫਿਲਹਾਲ ਸਾਂਝੀ ਨਹੀਂ ਕੀਤੀ ਗਈ ਹੈ।
