22.08C Vancouver 22.08C VancouverMay 2, 2023 7:50 PM - The Canadian Press
ਬੀ.ਸੀ. ਦੇ ਪ੍ਰਿਮੀਅਰ ਡੇਵਿਡ ਈਬੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਸਰੀ ਅਤੇ ਸੂਬੇ ਦੀ ਸਰਕਾਰ ਦਰਮਿਆਨ ਚਾਲ ਰਹੇ ਪੁਲਿਸਿੰਗ ਦੇ ਮੁੱਦੇ ਤੇ ਸਰੀ ਦੀ ਮੇਅਰ ਬਰੈਂਡਾ ਲੌਕ ਨਾਲ ਗੱਲ ਬਾਤ ਕੀਤੀ ਹੈ। ਬੀ.ਸੀ. ਦੀ ਐਨ.ਡੀ.ਪੀ ਸਰਕਾਰ ਵਲੋਂ ਸਿਫਾਰਿਸ਼ ਕੀਤੀ ਗਈ ਹੈ ਕਿ ਸਰੀ ਵਿੱਚ ਆਰ.ਸੀ.ਐਮ.ਪੀ ਤੋਂ ਮਿਊਨਿਸਿਪਲ ਪੁਲਿਸ ਸਥਾਪਿਤ ਕਰਨ ਲਈ ਚੱਲ ਰਹੀ ਟ੍ਰਾੰਜ਼ਿਸ਼ਨ ਨੂੰ ਜਾਰੀ ਰੱਖਿਆ ਜਾਵੇ।
ਪਰ ਮੇਅਰ ਬਰੈਂਡਾ ਲੌਕ ਦਾ ਕਹਿਣਾ ਹੈ ਕਿ ਉਹ ਅਤੇ ਉਹਨਾਂ ਦੀ ਕਾਉਂਸਿਲ ਆਰ.ਸੀ.ਐਮ.ਪੀ ਨੂੰ ਰੱਖਣ ਦੇ ਹੱਕ ਵਿੱਚ ਹਨ।
ਲੌਕ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਕਾਉਂਸਿਲ ਸੂਬਾ ਸਰਕਾਰ ਵਲੋਂ ਪੁਲਿਸਿੰਗ ਦੇ ਸੰਬੰਧ ਵਿੱਚ ਦਿੱਤੀ ਸਿਫਾਰਿਸ਼ ਨੂੰ ਰਿਵੀਊ ਕਰੇਗੀ ਪਰ ਉਹ ਆਰ.ਸੀ.ਐਮ.ਪੀ ਨੂੰ ਰੱਖਣ ਦੇ ਆਪਣੇ ਪਲੈਨ ਨਾਲ ਹੀ ਅੱਗੇ ਵਧਣਾ ਚਾਹੁੰਦੇ ਹਨ।
ਈਬੀ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਸਰਕਾਰ ਇਸ ਮੁੱਦੇ ਦਾ ਜਲਦੀ ਤੋਂ ਜਲਦੀ ਹੱਲ ਲੱਭਣ ਲਈ ਸਿਟੀ ਓਫ ਸਰੀ ਨਾਲ ਰਲ ਕੇ ਕੰਮ ਕਰਨ ਨੂੰ ਤਿਆਰ ਹੈ।
