16.28C Vancouver 16.28C VancouverFeb 19, 2021 12:44 AM -
ਸਰੀ ਆਰ.ਸੀ.ਐਮ.ਪੀ. ਦੀ ਗੈਂਗ ਐਨਫੋਰਸਮੈਂਟ ਟੀਮ ਨੇ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਸ ਵਿਅਕਤੀ ਬਾਰੇ ਪੁਲਿਸ ਕੋਲ ਜਾਣਕਾਰੀ ਸੀ ਅਤੇ ਉਸ ਨੂੰ ਇੱਕ ਗੱਡੀ ਦੀ ਟੱਕਰ ਤੋਂ ਬਾਅਦ ਮੌਕੇ ਤੋਂ ਭੱਜ ਕੇ ਨਿਕਲਣ ਦੀ ਕੋਸ਼ਿਸ਼ ਦੇ ਦੌਰਾਨ ਕਾਬੂ ਕੀਤਾ ਗਿਆ।
ਮਾਮਲਾ ਬੁੱਧਵਾਰ ਸ਼ਾਮ ਕਰੀਬ 7 ਵਜੇ ਦਾ ਦੱਸਿਆ ਗਿਆ ਹੈ।
ਐਸ.ਜੀ.ਈ.ਟੀ. ਅਫ਼ਸਰਾਂ ਨੇ ਇੱਕ ਪ੍ਰੋ-ਐਕਟਿਵ ਪੈਟਰੋਲ ਦੌਰਾਨ 168 ਸਟ੍ਰੀਟ ਅਤੇ 88 ਐਵੇਨਿਊ ਦੇ ਕੋਲ ਇੱਕ ਵਿਅਕਤੀ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਇਸ ਦੌਰਾਨ ਚਿੱਟੇ ਰੰਗ ਦੀ ਮਰਸਡੀਜ਼ ਗੱਡੀ ਲਾਲ ਬੱਤੀ ਟੱਪਦੇ ਹੋਏ ਇੱਕ ਹੋਰ ਵਾਹਨ ਨਾਲ ਜਾ ਟਕਰਾਈ।
ਇਸ ਗੱਡੀ ਦੇ ਚਾਲਕ ਨੇ ਗੱਡੀ ਵਿੱਚੋਂ ਉੱਤਰ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਅਤੇ ਇੱਕ ਜੰਗਲੀ ਇਲਾਕੇ 'ਚ ਦਾਖਿਲ ਹੋ ਗਿਆ।
ਹਾਲਾਂਕਿ ਇਸ ਦੌਰਾਨ ਦੂਜੇ ਵਾਹਨ ਦੇ ਚਾਲਕ ਨੂੰ ਕੁਝ ਸੱਟਾਂ ਲੱਗੀਆਂ।
ਇਸ ਤੋਂ ਬਾਅਦ ਇੰਟੈਗ੍ਰੇਟਿਡ ਲੋਅਰ ਮੇਨਲੈਂਡ ਪੁਲਿਸ ਡੌਗ ਸਰਵਿਸਿਜ਼ ਯੂਨਿਟ (Integrated Lower Mainland Police Dog Services unit) ਦੀ ਮਦਦ ਨਾਲ ਇਸ ਵਿਅਕਤੀ ਨੂੰ ਭਾਲ ਲਿਆ ਗਿਆ।
ਉਸ ਕੋਲ ਕਥਿਤ ਤੌਰ 'ਤੇ ਇੱਕ ਰੈਪਲਿਕਾ ਬੰਦੂਕ ਵੀ ਮਿਲੀ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦੀ ਉਮਰ 34 ਸਾਲ ਦੱਸੀ ਗਈ ਹੈ।
