14.29C Vancouver 14.29C VancouverMay 26, 2021 9:40 PM -
ਸਾਊਥ ਸਰੀ 'ਚ ਇੱਕ ਘਰ 'ਚ ਤਲਾਸ਼ੀ ਦੌਰਾਨ ਸਰੀ ਆਰ.ਸੀ.ਐਮ.ਪੀ. ਡਰੱਗ ਯੂਨਿਟ ਨੇ ਵੱਡੀ ਗਿਣਤੀ 'ਚ ਬੰਦੂਕਾਂ, ਡਰੱਗਸ ਅਤੇ ਕੈਸ਼ ਬਰਾਮਦ ਕੀਤਾ ਹੈ।
ਇਸੇ ਸਾਲ ਅਪ੍ਰੈਲ 'ਚ ਸਰੀ ਆਰ.ਸੀ.ਐਮ.ਪੀ. ਡਰੱਗ ਯੂਨਿਟ ਵੱਲੋਂ ਇੱਕ ਕਥਿਤ ਸਟ੍ਰੀਟ ਪੱਧਰ ਦੀ ਡਰੱਗ ਤਸਕਰੀ ਦੀ ਜਾਂਚ ਸ਼ੁਰੂ ਕੀਤੀ ਗਈ ਸੀ।
ਮਾਮਲਾ ਵੌਲੀ ਇਲਾਕੇ ਨਾਲ ਸੰਬੰਧਤ ਸੀ।
ਇਸੇ ਜਾਂਚ ਦੌਰਾਨ ਅਫ਼ਸਰਾਂ ਨੂੰ ਸਾਊਥ ਸਰੀ ਦੀ ਇੱਕ ਰਿਹਾਇਸ਼ ਬਾਰੇ ਪਤਾ ਲੱਗਿਆ।
18 ਮਈ ਨੂੰ ਇਸ ਘਰ ਦੇ ਨਾਲ ਸੰਬੰਧਤ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਸ ਤੋਂ 8.8 ਗ੍ਰਾਮ ਮੈਥਮਫਿਟਾਮੀਨ, 7 ਗ੍ਰਾਮ ਫੈਂਟਾਨਿਲ, $895 ਕੈਸ਼ ਅਤੇ ਇੱਕ ਅਜਿਹਾ ਚਾਕੂ ਮਿਲਿਆ, ਜਿਸ ਨੂੰ ਕਿ ਪ੍ਰੋਹਿਬਿਟਿਡ ਹਥਿਆਰ ਦੱਸਿਆ ਜਾਂਦਾ ਹੈ।
19 ਮਈ ਨੂੰ 28 ਐਵੀਨਿਊ ਅਤੇ 16200 ਬਲੌਕ 'ਤੇ ਸਥਿਤ ਇੱਕ ਘਰ 'ਚ ਛਾਪਾ ਮਾਰਿਆ ਗਿਆ।
ਮੌਕੇ ਤੋਂ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਜਾਂਚ ਦੇ ਚਲਦਿਆਂ ਉਨ੍ਹਾਂ ਨਿਊ ਰਿਹਾਅ ਕਰ ਦਿੱਤਾ ਗਿਆ।
ਇਸ ਤਲਾਸ਼ੀ ਦੌਰਾਨ $16,140 ਕੈਸ਼, 223 ਗ੍ਰਾਮ ਫੈਂਟਾਨਿਲ 1.7kg ਕੈਫੀਨ, ਅਤੇ ਕਈ ਪ੍ਰਕਾਰ ਦੀਆਂ ਬੰਦੂਕਾਂ ਤੇ ਪਿਸਤੌਲ ਬਰਾਮਦ ਹੋਏ।
ਸਰੀ ਆਰ.ਸੀ.ਐਮ.ਪੀ. ਮੀਡੀਆ ਰਿਲੇਸ਼ਨਸ ਅਫ਼ਸਰ, ਕੌਰਪੋਰਲ ਵਨੈਸਾ ਮੰਨ (Surrey RCMP Media Relations Officer Corporal Vanessa Munn) ਨੇ ਕਿਹਾ ਕਿ ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਰਣਨੀਤੀ ਤਹਿਤ ਅਜਿਹੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ, ਜੋ ਕਿ ਡਰੱਗ ਟਰੇਡ ਨਾਲ ਜੁੜ ਕੇ ਕਮਿਊਨਿਟੀ ਲਈ ਖਤਰਾ ਖੜਾ ਕਰ ਰਹੇ ਹਨ।
