ਸਰੀ ਆਰ.ਸੀ.ਐਮ.ਪੀ. ਨੇ ਅਮਰਦੀਪ ਸਿੰਘ ਰਾਏ ਦੀ ਗ੍ਰਿਫਤਾਰੀ ਲਈ ਲੋਕਾਂ ਤੋਂ ਮੰਗੀ ਮਦਦ; ਜਿਨਸੀ ਹਮਲੇ ਸਮੇਤ ਕਈ ਦੋਸ਼ਾਂ 'ਚ ਕੀਤੀ ਜਾ ਰਹੀ ਭਾਲ

ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਲੋਕਾਂ ਤੋਂ ਅਮਰਦੀਪ ਸਿੰਘ ਰਾਏ ਦੀ ਜਾਣਕਾਰੀ ਸਾਂਝੀ ਕਰਨ ਦੀ ਅਪੀਲ ਕੀਤੀ ਗਈ ਹੈ।

ਅਮਰਦੀਪ ਦੀਆਂ ਤਸਵੀਰਾਂ ਜਾਰੀ ਕਰਦੇ ਹੋਏ ਪੁਲਿਸ ਨੇ ਆਖਿਆ ਹੈ ਕਿ 42 ਸਾਲਾ ਵਿਅਕਤੀ ਦੀ 17 ਦੋਸ਼ਾਂ 'ਚ ਭਾਲ ਕੀਤੀ ਜਾ ਰਹੀ ਹੈ।

ਅਗਸਤ 2019 'ਚ ਅਰੰਭੀ ਇੱਕ ਜਾਂਚ ਦੇ ਮਾਮਲੇ 'ਚ ਇਸ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।

ਬੀਤੇ ਸਾਲ 28 ਅਪ੍ਰੈਲ ਨੂੰ ਅਮਰਦੀਪ ਸਿੰਘ ਨੂੰ ਸਰੀ ਆਰ.ਸੀ.ਐਮ.ਪੀ. ਦੀ ਸਟ੍ਰਾਈਕ ਫੋਰਸ ਟਾਰਗੈਟ ਟੀਮ ਨੇ ਆਊਟਸਟੈਂਡਿੰਗ ਵਾਰੰਟ 'ਤੇ ਗ੍ਰਿਫਤਾਰ ਕੀਤਾ ਸੀ।

ਉਸ ਨੂੰ ਕੁਝ ਸ਼ਰਤਾਂ 'ਤੇ 7 ਮਈ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।

ਇਸ ਤੋਂ ਬਾਅਦ ਪੁਲਿਸ ਦੀਆਂ ਕਈ ਕੋਸ਼ਿਸ਼ਾਂ ਦੇ ਬਾਵਜੂਦ ਅਮਰਦੀਪ ਸਿੰਘ ਰਾਏ ਦਾ ਕੁਝ ਪਤਾ ਨਹੀਂ ਲੱਗਿਆ ਹੈ।

ਇਸ ਵਿਅਕਤੀ 'ਤੇ ਹਾਲ ਦੀ ਘੜੀ ਜਾਰੀ ਵਾਰੰਟ 'ਚ ਜਿਨਸੀ ਹਮਲਾ, ਗੈਰਕਨੂੰਨੀ ਢੰਗ ਨਾਲ ਕਿਸੇ ਵਿਅਕਤੀ ਨੂੰ ਬੰਦੀ ਬਣਾਉਣ, ਹਥਿਆਰ ਨਾਲ ਹਮਲਾ ਕਰਨ, ਕੰਟਰੋਲਡ ਸਬਸਟੈਂਸ ਨੂੰ ਰੱਖਣ ਅਤੇ ਫਾਇਰਆਰਮਸ ਸੰਬੰਧੀ 17 ਦੋਸ਼ ਸ਼ਾਮਿਲ ਹਨ।

ਅਮਰਦੀਪ ਸਿੰਘ ਰਾਏ ਦਾ ਕੱਦ ਕਰੀਬ 5'11" ਅਤੇ ਉਸ ਨੂੰ ਪਤਲੀ ਬਣਤਰ ਵਾਲਾ ਵਿਅਕਤੀ ਦੱਸਿਆ ਗਿਆ ਹੈ।

ਉਸ ਦੀ ਧੌਣ ਅਤੇ ਹੱਥਾਂ 'ਤੇ ਟੈਟੂ ਹਨ ਅਤੇ ਉਸ ਦੀ ਛਾਤੀ 'ਤੇ ਟਾਈਗਰ ਦਾ ਟੈਟੂ ਦੱਸਿਆ ਗਿਆ ਹੈ।

ਇਸ ਆਦਮੀ ਦੀ ਤਸਵੀਰ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੀ ਵੇਖੀ ਜਾ ਸਕਦੀ ਹੈ।

ਪ੍ਰੈਸ ਰਿਲੀਜ ਪੜ੍ਹਨ ਲਈ ਲਿੰਕ ਕਲਿਕ ਕਰੋ:

https://bc-cb.rcmp-grc.gc.ca/ViewPage.action?siteNodeId=1465&languageId=1&contentId=73111