9.13C Vancouver 9.13C VancouverMar 29, 2021 8:27 PM -
ਸਰੀ ਆਰ.ਸੀ.ਐਮ.ਪੀ. ਦੀ ਸਪੈਸ਼ਲ ਵਿਕਟਿਮਸ ਯੂਨਿਟ ਵੱਲੋਂ 4 ਆਦਮੀਆਂ 'ਤੇ ਹੋਏ ਜਿਨਸੀ ਹਮਲੇ ਦੇ ਮਾਮਲੇ 'ਚ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਹੋਰ ਪੀੜਤ ਹੋਣ ਜਾਂ ਵਧੇਰੇ ਜਾਣਕਾਰੀ ਹੋਵੇ ਤਾਂ ਪੁਲਿਸ ਕੋਲ ਪਹੁੰਚ ਕੀਤੀ ਜਾਵੇ।
ਮਾਮਲੇ 'ਚ ਜਾਂਚ 12 ਮਾਰਚ ਨੂੰ ਅਰੰਭੀ ਗਈ ਸੀ।
ਪੁਲਿਸ ਨੂੰ ਫਰਵਰੀ 2021 'ਚ ਵਾਪਰੇ ਜਿਨਸੀ ਹਮਲੇ ਦੀ ਜਾਣਕਾਰੀ ਮਿਲੀ ਸੀ।
ਵਧੇਰੇ ਜਾਂਚ ਤੋਂ ਬਾਅਦ ਪੁਲਿਸ ਨੂੰ 3 ਹੋਰ ਪੀੜਤਾਂ ਦਾ ਪਤਾ ਲੱਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਹੁਣ ਤਕ ਦੀ ਜਾਂਚ ਅਨੁਸਾਰ ਘਟਨਾਵਾਂ ਜੂਨ 2019 ਤੋਂ 12 ਫਰਵਰੀ 2021 ਦਰਮਿਆਨ ਵਾਪਰੀਆਂ ਹਨ।
ਘਟਨਾ 'ਚ 19 ਮਾਰਚ ਨੂੰ ਇੱਕ ਵਿਅਕਤੀ ਦੀ ਗ੍ਰਿਫਤਾਰੀ ਹੋਈ ਹੈ।
ਪੀੜਤਾਂ ਨੂੰ ਉਸ ਵੇਲੇ ਹਮਲੇ ਦਾ ਸ਼ਿਕਾਰ ਬਣਾਇਆ ਗਿਆ ਸੀ ਜਦ ਉਨ੍ਹਾਂ ਨੂੰ ਸਿਗਰੇਟ ਪੀਣ ਦੇ ਬਹਾਨੇ ਦੋਸਤੀ ਦਰਸ਼ਾ ਕੇ ਗੱਡੀ ਦੇ ਅੰਦਰ ਬਿਠਾ ਲਿਆ ਗਿਆ ਸੀ। ਸ਼ੱਕੀ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਦੱਸੀ ਗਈ ਹੈ।
