18.61C Vancouver 18.61C VancouverMay 15, 2025 7:25 PM - Connect Newsroom
ਸਰੀ ਵਿੱਚ ਵਿਕਣ ਵਾਲੀ ਲੌਟੋ ਮੈਕਸ ਜੈਕਪੌਟ ਦੀ ਜੇਤੂ ਟਿਕਟ ਕਿਸ ਦੀ ਸੀ, ਅਤੇ ਕਿਹੜੇ ਸਰੀ ਨਿਵਾਸੀ ਨੂੰ 80 ਮਿਲੀਅਨ ਡਾਲਰ ਦੀ ਜੇਤੂ ਰਾਸ਼ੀ ਹਾਸਿਲ ਹੋਈ ਹੈ, ਇਸ ਦਾ ਖੁਲਾਸਾ ਹੋ ਗਿਆ ਹੈ। ਅੱਜ ਬੀ.ਸੀ.ਐਲ.ਸੀ. ਨੇ ਇੱਕ ਮੀਡੀਆ ਈਵੈਂਟ ਦੌਰਾਨ ਜੇਤੂ ਦਾ ਐਲਾਨ ਕੀਤਾ। ਸਰੀ ਦੇ ਜਸਟਿਨ ਸਿੰਪੋਰੀਓਸ ਨੂੰ 80 ਮਿਲੀਅਨ ਡਾਲਰ ਦੀ ਜੇਤੂ ਰਾਸ਼ੀ ਹਾਸਿਲ ਹੋਈ ਹੈ।
ਇਹ ਬੀ.ਸੀ. 'ਚ ਅੱਜ ਤੱਕ ਦੀ ਸਭ ਤੋਂ ਵੱਡੀ ਲੌਟਰੀ ਜਿੱਤ ਹੈ। ਇਸ ਤੋਂ ਇਲਾਵਾ ਕੈਨੇਡਾ ਦੇ ਲੌਟਰੀ ਇਤਿਹਾਸ 'ਚ ਕਿਸੇ ਇਕੱਲੇ ਵਿਅਕਤੀ ਵੱਲੋਂ ਜਿੱਤੀ ਗਈ ਸਭ ਤੋਂ ਵੱਡੀ ਰਾਸ਼ੀ ਹੈ।
ਸਿੰਪੋਰੀਓਸ ਦਾ ਕਹਿਣਾ ਸੀ ਕਿ ਜਦ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਜੇਤੂ ਟਿਕਟ ਸਰੀ 'ਚ ਖਰੀਦੀ ਗਈ ਸੀ ਤਾਂ ਉਨ੍ਹਾਂ ਮਜਾਕ 'ਚ ਆਪਣੀ ਪਤਨੀ ਨੂੰ ਆਖਿਆ ਸੀ ਕਿ ਉਹ ਮਿਲੀਅਨੇਅਰ ਬਣ ਗਏ ਹਨ ਅਤੇ ਪਤਨੀ ਨੇ ਆਖਿਆ ਕਿ ਅਜਿਹਾ ਮਜਾਕ ਨਾ ਕਰੋ। ਪਰ ਜਦ ਉਨ੍ਹਾਂ ਟਿਕਟ ਦੇ ਨੰਬਰ ਚੈਕ ਕੀਤੇ ਤਾਂ ਉਨ੍ਹਾਂ ਨੂੰ ਯਕੀਨ ਹੀ ਨਹੀਂ ਹੋਇਆ ਕਿ ਉਹ ਅਸਲ ਵਿੱਚ ਲੌਟਰੀ ਜਿੱਤ ਗਏ ਹਨ। ਉਨ੍ਹਾਂ ਸਭ ਤੋਂ ਪਹਿਲਾਂ ਇਹ ਖਬਰ ਆਪਣੀ ਪਤਨੀ ਨਾਲ ਸਾਂਝੀ ਕੀਤੀ।
