16.19C Vancouver 16.19C VancouverSep 12, 2023 7:51 PM - The Canadian Press
ਸਰੀ ਵਿੱਚ ਇੱਕ ਨਵਾਂ ਹਸਪਤਾਲ ਅਤੇ ਕੈਂਸਰ ਕੇਂਦਰ ਬਣਾਉਣ ਦਾ ਐਲਾਨ ਕੀਤਾ ਗਿਆ ਹੈ।
ਇਸਦਾ ਨੀਂਹ ਪੱਥਰ ਰੱਖਦੇ ਹੋਏ ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਮੰਗਲਵਾਰ ਸਵੇਰੇ ਇਹ ਘੋਸ਼ਣਾ ਕੀਤੀ ਹੈ।
ਨਵਾਂ ਹਸਪਤਾਲ ਕਵਾਂਟਲੇਨ ਪੌਲੀਟੈਕਨਿਕ ਯੂਨੀਵਰਸਿਟੀ ਕੈਂਪਸ ਦੇ ਨੇੜੇ ਕਲੋਵਰਡੇਲ ਖੇਤਰ ਵਿੱਚ 176ਵੀਂ ਸਟ੍ਰੀਟ 'ਤੇ ਬਣੇਗਾ।
ਈਬੀ ਨੇ ਕਿਹਾ ਸਰੀ ਵਿੱਚ ਇਹ ਦੂਜਾ ਹਸਪਤਾਲ ਨਾ ਸਿਰਫ਼ ਇਸ ਖੇਤਰ ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਸਿਹਤ ਸੰਭਾਲ ਕਰੇਗਾ ਸਗੋਂ ਇਹ ਕਈ ਜ਼ਿੰਦਗੀਆਂ ਨੂੰ ਬਦਲੇਗਾ।
ਸਰੀ ਵਿੱਚ ਰਹਿਣ ਵਾਲੇ ਲੋਕ ਲੰਬੇ ਸਮੇਂ ਤੋਂ ਇਸ ਹਸਪਤਾਲ ਦੀ ਮੰਗ ਕਰ ਰਹੇ ਸਨ, ਹਾਲਾਂਕਿ ਨਵਾਂ ਹਸਪਤਾਲ $2.88 ਦੀ ਲਾਗਤ ਨਾਲ 2029 ਵਿੱਚ ਬਣ ਕੇ ਤਿਆਰ ਹੋਵੇਗਾ ਪਰ ਸਾਡਾ ਮੁੱਖ ਟੀਚਾ ਰਹੇਗਾ ਕਿ ਇਸ ਹਸਪਤਾਲ ਨੂੰ ਜਲਦੀ ਤੋਂ ਜਲਦੀ ਖੋਲ੍ਹਿਆ ਜਾਵੇ।
ਈਬੀ ਦਾ ਕਹਿਣਾ ਹੈ ਕਿ ਆਧੁਨਿਕ ਸਹੂਲਤਾਂ ਨਾਲ ਲੈਸ ਇਸ ਹਸਪਤਾਲ ਵਿੱਚ 168 ਹੋਰ ਬਿਸਤਰੇ ਹੋਣਗੇ, ਜਿਨ੍ਹਾਂ 'ਤੇ ਸਰਜਰੀ ਅਤੇ ਕੈਂਸਰ ਦਾ ਇਲਾਜ਼ ਕੀਤਾ ਜਾਵੇਗਾ।
ਪ੍ਰੀਮੀਅਰ ਨੇ ਕਿਹਾ ਕਿ ਇਹ ਕੈਨੇਡਾ ਵਿੱਚ ਪਹਿਲਾ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਹਸਪਤਾਲ ਹੋਵੇਗਾ।
