15.05C Vancouver 15.05C VancouverNov 16, 2023 7:04 PM - Connect News
ਕੈਨੇਡਾ ਸਰਕਾਰ ਨੇ ਸਰੀ ਵਿੱਚ 843 ਰੈਂਟਲ ਹੋਮ ਤਿਆਰ ਕਰਵਾਉਣ ਲਈ $319.5 ਮਿਲੀਅਨ ਖਰਚ ਕਰਨ ਦੀ ਘੋਸ਼ਣਾ ਕੀਤੀ ਹੈ।
ਰੈਂਟਲ ਕੰਸਟ੍ਰਕਸ਼ਨ ਫਾਈਨੈਂਸਿੰਗ ਇਨੀਸ਼ੀਏਟਿਵ ਦੀ ਮਦਦ ਨਾਲ ਸਰਕਾਰ ਨਵੀਂ ਰੈਂਟਲ ਵਿਕਾਸ ਦੀ ਸਪਲਾਈ ਵਧਾਵੇਗੀ ਤਾਂ ਕਿ ਹਾਊਸਿੰਗ ਸੰਕਟ ਨਾਲ ਨਜਿੱਠਿਆ ਜਾ ਸਕੇ।
ਸਰੀ ਦੇ 9656 ਕਿੰਗ ਜਾਰਜ ਐਵੇਨਿਊ ਵਿੱਚ ਇਹ ਘੋਸ਼ਣਾ ਡਿਵਰਸਿਟੀ ਮੰਤਰੀ ਕਮਲ ਖਹਿਰਾ, ਹਾਊਸਿੰਗ ਮੰਤਰੀ ਸ਼ੌਨ ਫਰੇਜ਼ਰ, ਸਰੀ ਦੇ ਐੱਮ. ਪੀ. ਰਣਦੀਪ ਸਰਾਏ, ਹਾਊਸਿੰਗ ਮਿਨਿਸਟਰ ਅਤੇ ਮੁੱਖ ਵਿੱਤ ਅਧਿਕਾਰੀ ਵੱਲੋਂ ਕੀਤੀ ਗਈ।
ਬਿਲਡਿੰਗ ਵਿੱਚ 392 ਯੂਨਿਟ ਹੋਣਗੇ ਅਤੇ ਸਰੀ ਮੈਡੀਕਲ ਬਿਲਡਿੰਗ ਦੇ ਸਾਹਮਣੇ 6 ਮੰਜ਼ਿਲਾ ਪੋਡੀਅਮ ਤਿਆਰ ਕੀਤਾ ਜਾਵੇਗਾ।
ਰਿਹਾਇਸ਼ੀ ਬਿਲਡਿੰਗ ਨੂੰ 3 ਮੰਜ਼ਿਲਾ ਐਟਰੀਅਮ ਰਾਹੀਂ ਰਿਟੇਲ ਅਤੇ ਦਫ਼ਤਰ ਵਿਰਾਸਤੀ ਇਮਾਰਤ ਨਾਲ ਜੋੜਿਆ ਜਾਵੇਗਾ।
ਇੱਥੇ ਅੰਡਰ ਗਰਾਊਂਡ ਪਾਰਕਿੰਗ ਦੇ ਚਾਰ ਲੈਵਲ ਹੋਣਗੇ।
ਇਸ ਦੀ ਉਸਾਰੀ 2025 ਦੇ ਸ਼ੁਰੂਆਤੀ ਮਹੀਨਿਆਂ ਵਿੱਚ ਸ਼ੁਰੂ ਹੋਣ ਦੀ ਆਸ ਹੈ।
ਕਮਲ ਖਹਿਰਾ ਨੇ ਕਿਹਾ ਕਿ ਰੈਂਟਲ ਹਾਊਸਿੰਗ ਵੱਧਣ ਨਾਲ ਬਹੁਤ ਸਾਰੇ ਕੈਨੇਡੀਅਨਜ਼ ਨੂੰ ਰਹਿਣ ਲਈ ਸੁਰੱਖਿਅਤ ਘਰ ਮਿਲਣਗੇ।
