14.3C Vancouver 14.3C VancouverNov 13, 2020 6:22 PM -
ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਅਤੇ ਔਟੀਜ਼ਮ ਕਮਿਊਨਿਟੀ ਟ੍ਰੇਨਿੰਗ ਵੱਲੋਂ ਕੀਤੇ ਗਏ ਇੱਕ ਸਰਵੇਖਣ 'ਚ ਸਾਹਮਣੇ ਆਇਆ ਹੈ ਕਿ ਔਟੀਜ਼ਮ ਨਾਲ ਪ੍ਰਭਾਵਿਤ ਬੱਚਿਆਂ ਦੇ ਕੇਅਰਗਿਵਰ, ਇਸ ਪੈਂਡੇਮਿਕ ਦਰਮਿਆਨ ਵਧੇਰੇ ਦਬਾਅ ਮਹਿਸੂਸ ਕਰ ਰਹੇ ਹਨ।
238 ਪਰਿਵਾਰਾਂ ਦੇ ਸਰਵੇਖਣ 'ਚ ਸਾਹਮਣੇ ਆਇਆ ਕਿ ਇੱਕ-ਤਿਹਾਈ ਪਰਿਵਾਰਾਂ ਨੂੰ ਸੁਰੱਖਿਆ ਸੰਬੰਧੀ ਫਿਕਰ ਸੀ, ਅਤੇ ਕਰੀਬ 10% ਪਰਿਵਾਰਾਂ ਨੇ ਆਪਣੇ ਬੱਚੇ ਨੂੰ ਗਵਰਨਮੈਂਟ ਕੇਅਰ 'ਚ ਪਾਉਣ 'ਤੇ ਵਿਚਾਰ ਕੀਤਾ ਸੀ।
ਇਹ ਸਰਵੇਖਣ ਜੁਲਾਈ ਅਤੇ ਸਿਤੰਬਰ ਵਿਚਾਲੇ ਕੀਤਾ ਗਿਆ ਸੀ।
ਵਧੇਰੇ ਕੇਅਰਗਿਵਰਸ ਦਾ ਕਹਿਣਾ ਸੀ ਕਿ ਸੂਬਾ ਸਰਕਾਰ ਵੱਲੋਂ ਮਿਲ ਰਿਹਾ ਸਹਿਯੋਗ, ਉਨ੍ਹਾਂ ਦੀਆਂ ਜ਼ਰੂਰਤਾਂ 'ਤੇ ਖਰਾ ਨਹੀਂ ਉੱਤਰਦਾ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਤੀਜੇ ਬੱਚਿਆਂ ਨੂੰ ਭੁਗਤਣੇ ਪੈਂਦੇ ਹਨ।
ਸਿਰਫ 3 ਪਰਿਵਾਰਾਂ ਨੇ ਕਿਹਾ ਕਿ ਪੈਂਡੇਮਿਕ ਦਾ ਉਨ੍ਹਾਂ ਦੇ ਬੱਚੇ 'ਤੇ ਪਾਜ਼ਿਟਿਵ ਪ੍ਰਭਾਵ ਸੀ, ਜਿਵੇਂ ਕਿ ਸੋਸ਼ਲ ਡਿਮਾਂਡ 'ਚ ਘਾਟ ਜਾਂ ਗੱਲਬਾਤ 'ਚ ਘਾਟ ਆਈ ਹੈ।
