12.29C Vancouver 12.29C VancouverJan 10, 2023 12:32 AM - Connect News
ਵੈਨਕੂਵਰ 'ਚ ਪੁਲਿਸ ਵੱਲੋਂ ਇੱਕ ਅਜਿਹੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਜਿਸ ਨੇ ਕਥਿਤ ਤੌਰ 'ਤੇ ਪੁਲਿਸ ਅਫਸਰਾਂ ਅਤੇ ਪੈਰਾਮੈਡਿਕਸ 'ਤੇ ਪੈਲੇਟ ਗੰਨ ਨਾਲ ਹਮਲਾ ਕੀਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਐਤਵਾਰ ਰਾਤ ਹੇਸਟਿੰਗਸ ਸਟ੍ਰੀਟ ਕੋਲ ਇੱਕ ਰੂਮਿੰਗ ਹਾਊਸ ਦੀ ਖਿੜਕੀ ਵਿੱਚੋਂ ਪੈਲੇਟ ਬੰਦੂਕ ਦੇ ਫਾਇਰ ਕੀਤੇ ਗਏ।
ਬੀ.ਸੀ. ਐਂਬੂਲੈਂਸ ਸਰਵਿਸ ਪੈਰਾਮੈਡਿਕਸ ਵੱਲੋਂ ਮੇਨ ਅਤੇ ਹੇਸਟਿੰਗਸ ਸਟ੍ਰੀਟ ਕੋਲ ਰਾਤ ਕਰੀਬ 11 ਵਜੇ ਕੁਝ ਮਦਦ ਪ੍ਰਦਾਨ ਕੀਤੀ ਜਾ ਰਹੀ ਸੀ ਜਦ ਅਚਾਨਕ ਇੱਕ ਖਿੜਕੀ ਵਿੱਚੋਂ ਪੈਲੇਟ ਬੰਦੂਕ ਨਾਲ ਗੋਲੀਆਂ ਚਲਾਈਆਂ ਗਈਆਂ।
ਪੈਰਾਮੈਡਿਕਸ ਨੇ ਪਨਾਹ ਲਈ ਅਤੇ ਪੁਲਿਸ ਨਾਲ ਸੰਪਰਕ ਕੀਤਾ।
ਕਥਿਤ ਤੌਰ 'ਤੇ ਇੱਕ ਅਫ਼ਸਰ ਨੂੰ ਮੌਕੇ 'ਤੇ ਕਈ ਗੋਲੀਆਂ ਲੱਗੀਆਂ ਅਤੇ ਉਸ ਨੂੰ ਮਾਮੂਲੀ ਜ਼ਖਮ ਹੋਏ ਹਨ।
ਵੀ.ਪੀ.ਡੀ. ਦੀ ਐਮਰਜੈਂਸੀ ਰਿਸਪਾਂਸ ਟੀਮ ਨੇ ਮੇਪਲ ਹੋਟਲ ਦੇ ਅੰਦਰ ਭਾਲ ਕੀਤੀ ਅਤੇ ਇੱਕ 45 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਪੁਲਿਸ ਦਾ ਕਹਿਣਾ ਸੀ ਕਿ ਇੱਕ ਅਜਿਹੇ ਵਿਅਕਤੀ ਨੂੰ ਕਾਬੂ ਕੀਤਾ ਗਿਆ ਜੋ ਪਹਿਲਾਂ ਜਮਾਨਤ 'ਤੇ ਬਾਹਰ ਸੀ ਅਤੇ ਜਿਸ ਦੀ ਲੁੱਟ ਦੇ ਮਾਮਲੇ 'ਚ ਬੀ.ਸੀ. ਭਰ 'ਚ ਭਾਲ ਕੀਤੀ ਜਾ ਰਹੀ ਸੀ।
ਹੁਣ ਇਸ ਵਿਅਕਤੀ 'ਤੇ ਪੁਲਿਸ ਅਤੇ ਪੈਰਾਮੈਡਿਕਸ 'ਤੇ ਹਮਲੇ, ਹਥਿਆਰ ਰੱਖਣ ਅਤੇ ਜਮਾਨਤ ਦੀਆਂ ਸ਼ਰਤਾਂ ਦੀ ਪਾਲਣਾ ਨਾ ਕਰਨ ਦੇ ਦੋਸ਼ ਲੱਗੇ ਹਨ।
