13.37C Vancouver 13.37C VancouverApr 30, 2020 7:24 PM -
ਵੈਨਕੂਵਰ 'ਚ ਸਕਾਈਟਰੇਨ 'ਚ ਇੱਕ ਔਰਤ ਨੂੰ ਕੁੱਟਮਾਰ ਦਾ ਸ਼ਿਕਾਰ ਬਣਾਉਣ ਵਾਲਾ ਕਥਿਤ ਦੋਸ਼ੀ ਗਿਰਫਤਾਰ ਕਰ ਲਿਆ ਗਿਆ ਹੈ।
ਪੂਰੀ ਘਟਨਾ ਘਟਨਾ ਸ਼ਨੀਵਾਰ ਦੀ ਦੱਸੀ ਜਾ ਰਹੀ ਹੈ।
ਔਰਤ ਵਾਟਰਫਰੰਟ ਸਟੇਸ਼ਨ ਤੋਂ ਸਵੇਰੇ ਕਰੀਬ 7.50 'ਤੇ ਸਕਾਈਟਰੇਨ 'ਤੇ ਸਵਾਰ ਹੋਈ ਸੀ।
ਉਸਨੇ ਵੇਖਿਆ ਕਿ ਇੱਕ ਵਿਅਕਤੀ ਉਸਦੇ ਵੱਲ ਵੇਖ ਰਿਹਾ ਹੈ, ਤਾਂ ਉਸਨੇ ਵਿਅਕਤੀ ਨੂੰ ਪੁੱਛਿਆ ਕਿ ਉਸ ਵੱਲ ਵੇਖਣ ਦੀ ਕਿ ਵਜ੍ਹਾ ਹੈ।
ਅਜਿਹਾ ਪੁੱਛਣ 'ਤੇ ਵਿਅਕਤੀ ਖੜਾ ਹੋਇਆ, ਉਸਨੇ ਔਰਤ ਤਕ ਪਹੁੰਚ ਕੀਤੀ ਅਤੇ ਕਿਹਾ ਕਿ ਤੁਹਾਡੇ ਲੋਕਾਂ ਕਾਰਨ ਮੇਰੀ ਬੇਟੀ ਬਿਮਾਰ ਹੈ।
ਇਹ ਕਹਿਣ ਤੋਂ ਬਾਅਦ ਵਿਅਕਤੀ ਨੇ ਔਰਤ 'ਤੇ ਹਮਲਾ ਕਰ ਦਿੱਤਾ।
ਉਸਨੇ ਔਰਤ ਦਾ ਬੈਗ ਫੜਿਆ ਅਤੇ ਉਸਦੇ ਮੂੰਹ ਅਤੇ ਨੱਕ 'ਤੇ ਕਈ ਮੁੱਕੇ ਬਰਸਾ ਦਿੱਤੇ।
ਇਸਦੀ ਜਾਣਕਾਰੀ ਟਰਾਂਸਿਟ ਪੁਲਿਸ ਨੇ ਦਿੱਤੀ।
ਸ਼ੱਕੀ ਨੇ ਔਰਤ ਦੇ ਵਾਲਾਂ ਤੋਂ ਫੜ੍ਹ ਕੇ ਉਸਨੂੰ ਸਕਾਈਟਰੇਨ ਦੀਆਂ ਸੀਟਾਂ 'ਚ ਪਟਕ ਦਿੱਤਾ।
ਫੇਰ ਬੁਰਾਰਡ ਸਟੇਸ਼ਨ ਕੋਲ ਉਸਨੇ ਔਰਤ ਨੂੰ ਰੇਲ ਵਿੱਚੋਂ ਬਾਹਰ ਧੱਕ ਦਿੱਤਾ।
ਘਟਨਾ ਤੋਂ ਬਾਅਦ ਵੈਨਕੂਵਰ ਪੁਲਿਸ ਨੂੰ ਕੱਲ ਕਿਸੇ ਨੇ ਸੰਪਰਕ ਕਰਕੇ ਦੱਸਿਆ ਕਿ ਟਰਾਂਸਿਟ ਪੁਲਿਸ ਵੱਲੋਂ ਜਾਰੀ ਕੀਤੀਆਂ ਗਈਆਂ ਤਸਵੀਰਾਂ ਵਾਲੇ ਵਿਅਕਤੀ ਨੂੰ ਓਹ ਪਛਾਣਦੇ ਹਨ।
ਹੁਣ ਘਟਨਾ 'ਚ ਇੱਕ 51 ਸਾਲਾ ਵਿਅਕਤੀ ਨੂੰ ਗਿਰਫਤਾਰ ਕੀਤਾ ਗਿਆ ਹੈ।
