23.24C Vancouver 23.24C VancouverApr 5, 2022 9:38 PM - Connect News
ਵੈਨਕੂਵਰ ਦੇ ਇਲਾਕੇ ਦੇ ਇੱਕ ਆਦਮੀ 'ਤੇ ਆਰਸਨ ਯਾਨੀ ਕਿ ਜਾਣਬੁੱਝ ਕੇ ਅੱਗ ਲਗਾਉਣ ਸੰਬੰਧੀ ਮਾਮਲੇ 'ਚ ਕੁੱਲ 10 ਦੋਸ਼ ਲਗਾਏ ਗਏ ਹਨ।
ਮਾਮਲੇ ਰਿਚਮੰਡ 'ਚ ਸਥਿਤ ਇੱਕ ਘਰ 'ਚ 2 ਵਾਰ ਅੱਗ ਲੱਗਣ ਨਾਲ ਸੰਬੰਧਤ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪਹਿਲੀ ਅੱਗ ਲੱਗਣ ਦੀ ਘਟਨਾ 29 ਮਾਰਚ ਨੂੰ ਵਾਪਰੀ ਸੀ ਅਤੇ ਇਸ 'ਚ ਘਰ ਦਾ ਗਰਾਜ ਡੋਰ ਨੁਕਸਾਨਿਆ ਗਿਆ ਸੀ।
ਅੱਗ ਵਧ ਸਕਦੀ ਸੀ ਪਰ ਘਰ ਦੇ ਮਲਿਕ ਦੀ ਫੁਰਤੀ ਆਸਰੇ ਭਾਰੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ ਸੀ।
ਇਸ ਤੋਂ 2 ਦਿਨ ਬਾਅਦ ਉਸੇ ਘਰ ਦੇ ਮਾਲਿਕ ਨੇ ਰਿਪੋਰਟ ਕੀਤਾ ਕਿ ਘਰ 'ਚ ਮੋਲੋਟੋਵ ਕੌਕਟੇਲ ਡਿਵਾਈਸ ਬਰਾਮਦ ਹੋਇਆ ਸੀ ਪਰ ਉਸ ਨੂੰ ਅੱਗ ਨਹੀਂ ਲਗਾਈ ਗਈ ਸੀ।
ਪੁਲਿਸ ਨੇ ਦੱਸਿਆ ਕਿ ਸਰਵੇਲੈਂਸ ਵੀਡੀਓ ਆਸਰੇ ਇੱਕ 40 ਤੋਂ 50 ਸਾਲ ਦੇ ਦਰਮਿਆਨ ਦੇ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਸ਼ੱਕੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੇ ਇਸ ਆਦਮੀ ਖਿਲਾਫ ਆਰਸਨ, ਪ੍ਰਾਪਰਟੀ ਨੁਕਸਾਨ ਦਾ ਕਾਰਨ ਬਣੀ ਆਰਸਨ ਅਤੇ ਜਿੰਦਗੀ ਲਈ ਖਤਰਾ ਖੜਾ ਕਰਨ ਵਾਲੀ ਮਿਸਚੀਫ ਜਿਹੇ ਦੋਸ਼ਾਂ ਨੂੰ ਮਨਜੂਰੀ ਦੇ ਦਿੱਤੀ ਹੈ।
ਸ਼ੱਕੀ ਨੂੰ ਰਿਚਮੰਡ ਕੋਰਟ 'ਚ 8 ਅਪ੍ਰੈਲ ਨੂੰ ਪੇਸ਼ ਕੀਤਾ ਜਾਵੇਗਾ।
