19.56C Vancouver 19.56C VancouverApr 1, 2021 1:49 AM -
ਨਿਊ ਯਾਰਕ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਇੱਕ ਏਸ਼ਿਆਈ ਅਮਰੀਕੀ ਔਰਤ 'ਤੇ ਹਮਲਾ ਕਰਨ ਵਾਲਾ ਇੱਕ ਆਦਮੀ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੀੜਤ ਔਰਤ ਮੂਲ ਰੂਪ ਤੋਂ ਫਿਲੀਪੀਨਸ ਦੀ ਹੈ ਅਤੇ ਉਸ ਦੀ ਉਮਰ 65 ਸਾਲ ਅਤੇ ਉਸ ਦਾ ਨਾਮ ਵਿਲਮਾ ਕਾਰੀ ਦੱਸਿਆ ਗਿਆ ਹੈ।
ਪੀੜਤ ਔਰਤ ਨੂੰ ਬੇਹੱਦ ਗੰਭੀਰ ਜ਼ਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਮਾਮਲੇ 'ਚ ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦੀ ਉਮਰ 38 ਸਾਲ ਹੈ।
ਉਸ ਦਾ ਨਾਮ ਬ੍ਰੈਂਡਨ ਐਲੀਅਟ ਹੈ।
ਸੋਮਵਾਰ ਦੀ ਘਟਨਾ ਤੋਂ ਬਾਅਦ ਉਜਾਗਰ ਹੋਈ ਵੀਡੀਓ 'ਚ ਸ਼ੱਕੀ ਵਿਅਕਤੀ ਦੇ ਚਿਹਰਾ ਵੇਖਿਆ ਜਾ ਸਕਦਾ ਸੀ।
ਇਸ ਵਿਅਕਤੀ ਬਾਰੇ ਦੱਸਿਆ ਗਿਆ ਹੈ ਕਿ ਇਹ ਇੱਕ ਪੈਰੋਲੀ ਹੈ ਅਤੇ ਉਸ ਨੂੰ ਕਰੀਬ 2 ਦਹਾਕੇ ਪਹਿਲਾਂ ਆਪਣੀ ਮਾਂ ਦੇ ਕਤਲ 'ਚ ਦੋਸ਼ੀ ਪਾਇਆ ਗਿਆ ਸੀ।
ਪੂਰਾ ਮਾਮਲਾ ਨਸਲਵਾਦੀ ਹਮਲੇ ਦਾ ਮੰਨਿਆ ਜਾ ਰਿਹਾ ਹੈ।
ਪੁਲਿਸ ਨੇ ਦੱਸਿਆ ਕਿ ਔਰਤ ਸੋਮਵਾਰ ਦੁਪਹਿਰ ਦੇ ਸਮੇਂ ਤੁਰ ਕੇ ਜਾ ਰਹੀ ਸੀ ਜਦ ਇੱਕ ਆਦਮੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਉਸ ਦੇ ਢਿੱਡ 'ਚ ਲੱਤ ਮਾਰੀ।
ਔਰਤ ਡਿੱਗ ਗਈ।
ਫਿਰ ਆਦਮੀ ਨੇ ਕਈ ਵਾਰ ਉਸ ਦੇ ਚਿਹਰੇ ਨੂੰ ਮਸਲ ਦਿੱਤਾ।
ਹਮਲੇ ਦੌਰਾਨ ਉਸ ਨੇ ਕੁਝ ਐਂਟੀ-ਏਸ਼ਿਆਈ ਟਿੱਪਣੀਆਂ ਵੀ ਕੀਤੀਆਂ ਗਈਆਂ ਸਨ।
