14.77C Vancouver 14.77C VancouverAug 15, 2022 10:14 PM - Connect News
ਵੈਨਕੂਵਰ ਆਈਲੈਂਡ 'ਤੇ ਨਨਾਈਮੋ ਦੇ ਇਲਾਕੇ ਇੱਕ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਮਿਲਣ ਦੀ ਘਟਨਾ ਨੂੰ ਹੁਣ ਕਤਲ ਦਾ ਮਾਮਲਾ ਦੱਸਿਆ ਗਿਆ ਹੈ।
ਘਟਨਾ 11 ਅਗਸਤ ਨੂੰ ਵਾਪਰੀ ਸੀ।
ਪੀੜਤ ਆਦਮੀ ਦਾ ਮ੍ਰਿਤ ਸ਼ਰੀਰ ਇੱਕ ਅੱਗ ਦੀ ਭੇਂਟ ਚੜ੍ਹੇ ਘਰ 'ਚ ਬਰਾਮਦ ਹੋਇਆ ਸੀ।
ਦੱਖਣੀ ਨਨਾਈਮੋ ਦੇ ਇਲਾਕੇ 'ਚ ਅਥਲੈਟਿਕ ਸਟ੍ਰੀਟ 'ਤੇ ਸਥਿਤ ਘਰ ਨੂੰ ਅੱਗ ਲਗ ਗਈ ਸੀ।
ਮੌਕੇ 'ਤੇ ਇੱਕ ਆਦਮੀ ਮ੍ਰਿਤ ਮਿਲਿਆ ਸੀ।
ਪੀੜਤ ਆਦਮੀ ਦੀ ਪਛਾਣ 40 ਸਾਲਾ ਟਰੈਵਰ ਸਟਰੌਸ ਵਜੋਂ ਹੋਈ ਸੀ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਪੀੜਤ ਆਦਮੀ ਦਾ ਕੋਈ ਪੱਕਾ ਪਤਾ ਨਹੀਂ ਸੀ।
ਉਹ ਆਮ ਤੌਰ 'ਤੇ ਨਨਾਈਮੋ ਅਤੇ ਵਿਕਟੋਰੀਆ ਵਿਚਾਲੇ ਯਾਤਰਾ ਕਰਦਾ ਹੁੰਦਾ ਸੀ।
ਕਤਲ ਕਿਵੇਂ ਕੀਤਾ ਗਿਆ ਇਸ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।
ਪੁਲਿਸ ਨੇ ਲੋਕਾਂ ਤੋਂ ਮੰਗ ਕੀਤੀ ਹੈ ਕਿ ਘਟਨਾ ਜਾਂ ਪੀੜਤ ਵਿਅਕਤੀ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
