10.16C Vancouver 10.16C VancouverApr 24, 2025 7:44 PM - Connect Newsroom
ਬੀ.ਸੀ. ਦੇ ਡਾਸਨ ਕ੍ਰੀਕ ਵਿਚ 14 ਅਪ੍ਰੈਲ ਨੂੰ ਮਿਲੀ ਇੱਕ ਲਾਸ਼ ਦੀ ਪਛਾਣ ਫੋਰਟ ਸੇਂਟ ਜੌਨ ਤੋਂ ਲਾਪਤਾ ਇੱਕ ਔਰਤ ਦੇ ਰੂਪ ਵਿਚ ਕੀਤੀ ਗਈ ਹੈ। ਡਾਸਨ ਕ੍ਰੀਕ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਹੁਣ ਇਸ ਮੌਤ ਦੀ ਹੱਤਿਆ ਦੇ ਮਾਮਲੇ ਵਜੋਂ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਮ੍ਰਿਤਕਾ 24 ਸਾਲਾ ਸੀ, ਜਿਸ ਦੀ ਪਛਾਣ ਐਮਿਲੀ ਓਗਡੇਨ ਦੇ ਤੌਰ 'ਤੇ ਹੋਈ।
ਡਾਸਨ ਕ੍ਰੀਕ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਐਮਿਲੀ ਦੇ 29 ਮਾਰਚ 2025 ਨੂੰ ਫੋਰਟ ਸੇਂਟ ਜੌਨ ਤੋਂ ਲਾਪਤਾ ਹੋਣ ਦੀ ਸੂਚਨਾ ਮਿਲੀ ਸੀ।
ਬੀ.ਸੀ. ਆਰ.ਸੀ.ਐਮ.ਪੀ. ਦੇ ਸਟਾਫ਼ ਸਾਰਜੈਂਟ ਕ੍ਰਿਸ ਕਲਾਰਕ ਨੇ ਕਿਹਾ ਕਿ ਹੁਣ ਅਸੀਂ ਐਮਿਲੀ ਦੇ ਲਾਪਤਾ ਹੋਣ ਤੋਂ ਲੈ ਕੇ ਉਸ ਦੀ ਲਾਸ਼ ਮਿਲਣ ਤੱਕ ਹੋਈ ਘਟਨਾ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਜਾਂਚ ਜਾਰੀ ਹੈ।
