8.09C Vancouver 8.09C VancouverMar 31, 2022 7:31 PM - The Canadian Press
ਬੀ.ਸੀ. ਦੇ ਫੀਲਡ ਇਲਾਕੇ 'ਚ ਵਾਪਰੇ ਜਾਨਲੇਵਾ ਰੇਲ ਕਰੈਸ਼ ਸੰਬੰਧੀ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਰਿਪੋਰਟ ਜਾਰੀ ਕੀਤੀ ਹੈ।
ਬੋਰਡ ਦਾ ਕਹਿਣਾ ਹੈ ਕਿ ਸੀ.ਪੀ. ਰੇਲ ਲੋਕੋਮੋਟਿਵ ਦੇ ਬਰੇਕ ਫੇਲ੍ਹ ਹੋ ਗਏ ਸਨ।
ਬਰੇਕ ਫੇਲ੍ਹ ਹੋਣ ਲਈ ਠੰਡੇ ਤਾਪਮਾਨ ਨੂੰ ਕਾਰਨ ਦੱਸਿਆ ਗਿਆ ਜਿਸ ਦੇ ਚਲਦਿਆਂ ਸਾਲ 2019 ਦੀ ਡਿਰੇਲਮੈਂਟ ਵਾਪਰੀ।
ਇਸ ਘਟਨਾ 'ਚ 3 ਵਰਕਰਾਂ ਦੀ ਮੌਤ ਹੋ ਗਈ ਸੀ।
ਬੀ.ਸੀ. ਦੇ ਫੀਲਡ ਇਲਾਕੇ 'ਚ ਇਹ ਰੇਲ ਇੱਕ ਗਰੇਡ 'ਤੇ ਪਾਰਕ ਕੀਤੀ ਹੋਈ ਸੀ ਜਦ ਉਹ ਪੁੱਠੀ ਦਿਸ਼ਾ 'ਚ ਰੁੜਨ ਲੱਗੀ ਸੀ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ 99 ਰੇਲ ਕਾਰਸ ਅਤੇ 2 ਲੋਕੋਮੋਟਿਵਸ ਦੇ ਇੱਕ ਪੁਲ ਤੋਂ ਹੇਠਾਂ ਡਿੱਗਣ ਤੋਂ ਪਹਿਲਾਂ ਰੇਲ ਨੇ ਕਾਫੀ ਰਫਤਾਰ ਫੜ੍ਹ ਲਈ ਸੀ।
ਇੱਕ ਇਨਬਾਊਂਡ ਟਰੇਨ ਇੰਜੀਨੀਅਰ ਨੇ ਟਰੇਨਮਾਸਟਰ ਨੂੰ ਬਰੇਕ ਸਿਸਟਮ ਸੰਬੰਧੀ ਚੇਤਾਵਨੀ ਦਿੱਤੀ ਸੀ।
ਪਰ ਰਿਪੋਰਟ ਅਨੁਸਾਰ ਟਰੇਨਿੰਗ ਦੀ ਘਾਟ ਕਾਰਨ ਉਹ ਸਮਝ ਨਹੀਂ ਪਾਇਆ ਕਿ ਬਰੇਕ 'ਚ ਪ੍ਰੇਸ਼ਾਨੀ ਹੈ।
ਟੀ.ਐਸ.ਬੀ. ਚੇਅਰ, ਕੈਥੀ ਫੌਕਸ ਨੇ ਕਿਹਾ ਕਿ ਰਿਪੋਰਟ 'ਚ 3 ਸਿਫਾਰਸ਼ਾਂ ਕੀਤੀਆਂ ਗਈਆਂ ਹਨ।
