20.65C Vancouver 20.65C VancouverAug 7, 2020 7:04 PM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਅਮਰੀਕੀ ਸਰਕਾਰ ਦਾ ਕਨੇਡੀਅਨ ਐਲੂਮਿਨਮ 'ਤੇ ਟੈਰਿਫ ਲਗਾਉਣਾ ਬੀ.ਸੀ. ਨਿਵਾਸੀਆਂ ਲਈ ਨਿਰਾਸ਼ਾਜਨਕ ਹੈ।
ਪ੍ਰੀਮਿਅਰ ਦੇ ਦਫ਼ਤਰ ਵੱਲੋਂ ਇਸ ਸੰਬੰਧੀ ਬਿਆਨ ਜਾਰੀ ਕੀਤਾ ਗਿਆ ਹੈ। ਬਿਆਨ 'ਚ ਕਿਹਾ ਗਿਆ ਕਿ ਸੂਬੇ ਦੇ ਬਹੁਤ ਸਾਰੇ ਲੋਕ ਐਲੂਮਿਨਮ ਇੰਡਸਟਰੀ ਆਸਰੇ ਕਮਾਈ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਦੇ ਇੰਪੋਰਟਸ ਦਾ ਅਮਰੀਕਾ ਨੂੰ ਕੋਈ ਨੁਕਸਾਨ ਨਹੀਂ ਹੈ।
ਪ੍ਰੀਮਿਅਰ ਨੇ ਕਿਹਾ ਕਿ, ਪੈਂਡੇਮਿਕ ਦੇ ਦਰਮਿਆਨ ਜਦ ਸਾਰੇ ਦੇਸ਼ਾਂ ਨੂੰ ਇੱਕ-ਦੂਜੇ ਦਾ ਸਹਿਯੋਗ ਕਰਨਾ ਚਾਹੀਦਾ ਹੈ, ਉਸ ਦੌਰਾਨ 10% ਟੈਰਿਫ ਦਾ ਐਲਾਨ ਕਰਨਾ ਮੰਦਭਾਗਾ ਹੈ।
ਹੌਰਗਨ ਸਰਕਾਰ ਦਾ ਕਹਿਣਾ ਹੈ ਕਿ, ਉਹ ਇੰਡਸਟਰੀ ਅਤੇ ਵਰਕਰਾਂ ਦੇ ਹੱਕ 'ਚ ਖੜੇ ਹਨ।
ਕੀਟੀਮੈਟ ਦੇ 'ਰੀਓ ਟਿੰਟੋ ਐਲੂਮਿਨਮ ਸਮੈਲਟਰ' 'ਚ ਕਰੀਬ 1,100 ਕਰਮਚਾਰੀ ਕੰਮ ਕਰਦੇ ਹਨ ਅਤੇ ਇਸ ਦੇ ਆਸਰੇ ਸਾਲ 2018 'ਚ ਬੀ.ਸੀ. ਦੀ ਇਕਾਨਮੀ 'ਚ $533 ਮਿਲੀਅਨ ਦਾ ਯੋਗਦਾਨ ਪਾਇਆ ਗਿਆ ਸੀ।
