18.41C Vancouver 18.41C VancouverJun 19, 2025 6:05 PM - Connect Newsroom
ਟੋਰਾਂਟੋ ਪੁਲਿਸ ਨੇ ਟੈਕਸੀ ਸਕੈਮ ਦਾ ਪਰਦਾਫਾਸ਼ ਕਰਦੇ ਪੰਜ ਭਾਰਤੀ ਮੂਲ ਦੇ ਨੌਜਵਾਨਾਂ ਸਮੇਤ 11 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਦਾ ਦੋਸ਼ ਹੈ ਕਿ ਮੁਲਜ਼ਮਾਂ ਨੇ 10 ਮਹੀਨਿਆਂ ਵਿਚ ਟੋਰੌਂਟੋ ਦੇ ਸੈਂਕੜੇ ਟੈਕਸੀ ਗ੍ਰਾਹਕਾਂ ਨਾਲ $500,000 ਤੋਂ ਵੱਧ ਦਾ ਫਰਾਡ ਕੀਤਾ।
ਗ੍ਰਿਫਤਾਰ ਕੀਤੇ ਗਏ ਨੌਜਵਾਨਾਂ 'ਤੇ 108 ਚਾਰਜ ਲਗਾਏ ਹਨ, ਇਨ੍ਹਾਂ ਵਿਚ ਏਕਜੋਤ ਨਾਹਲ, ਹਰਜੋਬਨ ਨਾਹਲ, ਹਰਪ੍ਰੀਤ ਸਿੰਘ, ਗੁਰਨੂਰ ਸਿੰਘ ਰੰਧਾਵਾ ਅਤੇ ਗੌਰਵ ਸ਼ਾਮਲ ਹਨ, ਮੁਲਜ਼ਮਾਂ ਵਿਚ ਇੱਕ ਲੜਕੀ ਵੀ ਹੈ।
ਪੁਲਿਸ ਮੁੱਖ ਦਫ਼ਤਰ ਵਿਖੇ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਡਿਟੈਕਟਿਵ ਡੇਵਿਡ ਕੌਫੀ ਨੇ ਕਿਹਾ ਕਿ ਮੁਲਜ਼ਮਾਂ ਵਲੋਂ ਟੈਕਸੀ ਦਾ ਕਿਰਾਇਆ ਲੈਣ ਦੌਰਾਨ ਪੀੜਤਾਂ ਨੂੰ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਲਈ ਪੇਅ ਕਰਨ ਲਈ ਕਿਹਾ ਜਾਂਦਾ ਸੀ ਅਤੇ ਚਾਲਾਕੀ ਨਾਲ ਉਹਨਾਂ ਦੇ ਕਾਰਡ ਬਦਲ ਦਿੱਤੇ ਜਾਂਦੇ ਸਨ।
ਫਿਰ ਇਨ੍ਹਾਂ ਕਾਰਡ ਨਾਲ ਏ.ਟੀ.ਐਮ. ਤੋਂ ਪੈਸੇ ਕਢਵਾਉਂਦੇ ਸਨ ਤੇ ਇਸ ਪੈਸੇ ਦੀ ਵਰਤੋਂ ਇਲੈਕਟ੍ਰਾਨਿਕਸ, ਗਿਫਟ ਕਾਰਡ ਅਤੇ ਮਹਿੰਗੇ ਕੱਪੜਿਆਂ ਸਮੇਤ ਉੱਚੇ ਮੁੱਲ ਵਾਲੀਆਂ ਚੀਜ਼ਾਂ ਦੀ ਖਰੀਦਦਾਰੀ ਲਈ ਕੀਤੀ। ਟੋਰੌਂਟੋ ਪੁਲਿਸ ਵਲੋਂ ਸ਼ੱਕੀਆਂ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਗਈਆਂ ਹਨ।
