15.98C Vancouver 15.98C VancouverMay 2, 2024 5:09 PM - The Canadian Press
ਕੈਨੇਡਾ ਦੀ ਵਿੱਤੀ ਖ਼ੁਫੀਆ ਏਜੰਸੀ ਨੇ ਟੋਰਾਂਟੋ-ਡੋਮੀਨੀਅਨ ਬੈਂਕ ਨੂੰ ਸ਼ੱਕੀ ਲੈਣ-ਦੇਣ ਦੀ ਸੂਚਨਾ ਨਾ ਦੇਣ ਦੇ ਮਾਮਲੇ ਵਿਚ $9.2-ਮਿਲੀਅਨ ਦਾ ਜੁਰਮਾਨਾ ਲਗਾਇਆ ਹੈ। ਵਿੱਤੀ ਖ਼ੁਫੀਆ ਏਜੰਸੀ ਨੇ ਕਿਹਾ ਕਿ ਬੈਂਕ ਨੇ ਅਜਿਹਾ ਨਾ ਕਰਕੇ ਮਨੀ ਲਾਂਡਰਿੰਗ ਅਤੇ ਅੱਤਵਾਦੀ ਗਤੀਵਿਧੀ ਨਿਯਮਾਂ ਦੀ ਉਲੰਘਣਾ ਕੀਤੀ।
ਟੀ.ਡੀ. ਬੈਂਕ ਅਮਰੀਕਾ ਵਿਚ ਵੀ ਇਸੇ ਤਰ੍ਹਾਂ ਦੀ ਜਾਂਚ ਦਾ ਸਾਹਮਣਾ ਕਰ ਰਿਹਾ ਹੈ। ਪਿਛਲੇ ਸਾਲ ਦਸੰਬਰ ਵਿਚ ਕੈਨੇਡੀਅਨ ਵਿੱਤੀ ਖੁਫੀਆ ਏਜੰਸੀ ਨੇ ਰਾਇਲ ਬੈਂਕ ਆਫ਼ ਕੈਨੇਡਾ ਨੂੰ $7.5-ਮਿਲੀਅਨ ਅਤੇ ਸੀ.ਆਈ.ਬੀ.ਸੀ. ਨੂੰ $1.3 ਮਿਲੀਅਨ ਦੇ ਜੁਰਮਾਨੇ ਲਗਾਏ ਸਨ। ਏਜੰਸੀ ਦਾ ਕਹਿਣਾ ਹੈ ਕਿ ਟੀ.ਡੀ. ਬੈਂਕ ’ਤੇ ਜੁਰਮਾਨਾ ਇਸ ਲਈ ਲਗਾਇਆ ਗਿਆ ਕਿਉਂਕਿ ਸ਼ੱਕੀ ਲੈਣ-ਦੇਣ ਦੇ ਵਾਜਬ ਆਧਾਰ ਸਨ ਪਰ ਬੈਂਕ ਨੇ ਇਸ ਦੀ ਰਿਪੋਰਟ ਨਹੀਂ ਕੀਤੀ ਅਤੇ ਹੋਰ ਵੀ ਕਈ ਨਿਯਮਾਂ ਦੀ ਇਹ ਪਾਲਣਾ ਕਰਨ ਵਿਚ ਫੇਲ੍ਹ ਰਿਹਾ।
ਅਮਰੀਕਾ ਵਿਚ ਬੈਂਕ ਵਿਰੋਧੀ ਮਨੀ ਲਾਂਡਰਿੰਗ ਜਾਂਚ ਦਾ ਸਾਹਮਣਾ ਕਰ ਰਿਹਾ ਹੈ। ਟੋਰਾਂਟੋ-ਡੋਮੀਨੀਅਨ ਬੈਂਕ ਨੇ ਕਿਹਾ ਕਿ ਸ਼ੱਕੀ ਗਤੀਵਿਧੀ ਦੀ ਪ੍ਰਭਾਵੀ ਢੰਗ ਨਾਲ ਨਿਗਰਾਨੀ ਕਰਨ ਅਤੇ ਰਿਪੋਰਟ ਕਰਨ ਲਈ ਉਸ ਦਾ ਪ੍ਰੋਗਰਾਮ ਨਾਕਾਫੀ ਸੀ ਅਤੇ ਕਮੀਆਂ ਨੂੰ ਦੂਰ ਕਰਨ ਲਈ ਕੰਮ ਚੱਲ ਰਿਹਾ ਹੈ।
