19.18C Vancouver 19.18C VancouverApr 20, 2020 2:20 PM -
ਵੀਕਐਂਡ ਦੌਰਾਨ ਨੋਵਾ ਸਕੋਸ਼ੀਆ ਵਿੱਚ ਕਨੇਡੀਅਨ ਇਤਿਹਾਸ ਦੇ ਸਭ ਤੋਂ ਵੱਧ ਘਾਤਕ ਹਮਲੇ ਦੇ ਮ੍ਰਿਤਕਾਂ ਦੇ ਨਾਂ ਹੌਲੀ ਹੌਲੀ ਸਾਹਮਣੇ ਆ ਰਹੇ ਹਨ।
ਨੋਵਾ ਸਕੋਸ਼ੀਆ ਟੀਚਰਜ਼ ਯੂਨੀਅਨ ਦੀ ਪ੍ਰੈਜ਼ੀਡੈਂਟ ਮੁਤਾਬਕ ਡੀਬਰਟ ਐਲੀਮੈਂਟਰੀ ਸਕੂਲ ਦੀ ਇੱਕ ਅਧਿਆਪਕਾ ਲੀਸਾ ਮੈਕੱਲੀ ਵੀ ਇਸ ਹਮਲੇ ਦੇ ਵਿੱਚ ਮਾਰੇ ਗਏ 18 ਵਿਅਕਤੀਆਂ ਵਿੱਚੋਂ ਇੱਕ ਸੀ।
ਮਾਰੇ ਗਏ ਲੋਕਾਂ ਵਿੱਚ ਆਰ.ਸੀ.ਐਮ.ਪੀ. ਦੀ ਕਾਂਸਟੇਬਲ ਹਾਇਡੀ ਸਟੀਵਨਸਨ ਵੀ ਸ਼ਾਮਲ ਸੀ ਜੋ ਕਿ ਪਿਛਲੇ 23 ਸਾਲਾਂ ਤੋਂ ਇੱਕ ਪੁਲਿਸ ਅਫ਼ਸਰ ਵਜੋਂ ਆਰ.ਸੀ.ਐਮ.ਪੀ. ਦਾ ਹਿੱਸਾ ਸੀ।
ਸਟੀਵਨਸਨ ਦੇ ਪਤੀ ਡੀਨ ਸਟੀਵਨਸਨ ਕੋਲ ਹਾਰਬਰ ਡਿਸਟ੍ਰਿਕਟ ਹਾਈ ਸਕੂਲ ਵਿੱਚ ਇੱਕ ਅਧਿਆਪਕ ਹਨ ਅਤੇ ਦੋਵਾਂ ਦੇ ਦੋ ਬੱਚੇ ਹਨ।
ਡਾਰਸੀ ਡਾਬਸਨ ਨੇ ਆਪਣੀ ਫੇਸਬੁੱਕ ਉੱਤੇ ਇਹ ਗੱਲ ਸਾਂਝੀ ਕੀਤੀ ਕਿ ਉਸ ਦੀ ਮਾਂ, ਹੈਦਰ ਓ ਬ੍ਰਾਇਨ, ਜੋ ਕਿ ਟਰੂਰੋ ਵਿੱਚ ਇੱਕ ਨਰਸ ਸੀ ਵੀ ਮ੍ਰਿਤਕਾਂ ਵਿੱਚ ਸ਼ਾਮਲ ਹੈ।
ਆਰ.ਸੀ.ਐਮ.ਪੀ ਮੁਤਾਬਕ ਇੱਕ ਬੰਦੂਕਧਾਰੀ ਵਿਅਕਤੀ ਪੁਲਿਸ ਦੀ ਵਰਦੀ ਪਾ ਕੇ ਤਕਰੀਬਨ ਬਾਰਾਂ ਘੰਟਿਆਂ ਤੱਕ ਨੋਵਾ ਸਕੋਸ਼ੀਆ ਦੇ ਕਈ ਇਲਾਕਿਆਂ ਵਿੱਚ ਗੋਲੀਆਂ ਚਲਾਉਂਦਾ ਰਿਹਾ।
51 ਵਰ੍ਹਿਆਂ ਦੇ ਗੈਬਰੀਅਲ ਵੋਰਟਮੈਨ ਨਾਮਕ ਇਸ ਵਿਅਕਤੀ ਨੂੰ ਪੁਲਿਸ ਆਖਰਕਾਰ ਮਾਰਨ ਵਿੱਚ ਕਾਮਯਾਬ ਰਹੀ।
ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।
