13.14C Vancouver 13.14C VancouverMar 30, 2021 9:35 PM -
ਨੌਰਥ ਵੈਨਕੂਵਰ 'ਚ ਵਾਪਰੇ ਛੁਰੇਬਾਜ਼ੀ ਦੇ ਹਮਲੇ ਦੌਰਾਨ ਹਮਲਾਵਰ ਨਾਲ ਟੱਕਰ ਲੈਣ ਵਾਲੀ ਔਰਤ ਦੀ ਭੈਣ ਦਾ ਕਹਿਣਾ ਹੈ ਕਿ ਉਸ ਨੂੰ ਬਿਲਕੁਲ ਵੀ ਹੈਰਾਨੀ ਨਹੀਂ ਹੋਈ ਕਿ ਉਸ ਦੀ ਭੈਣ ਨੇ ਹਮਲਾਵਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ।
ਲੇਆਹ ਮਿਕੇਲੱਕ ਦਾ ਕਹਿਣਾ ਸੀ ਕਿ ਜਦ ਉਸ ਦੀ ਭੈਣ ਸ਼ਹਿਲੋਆ ਕਲੌਸਨ ਨੇ ਲਿਨ ਵੈਲੀ ਪਬਲਿਕ ਲਾਈਬ੍ਰੇਰੀ ਕੋਲ ਹਮਲਾਵਰ ਨੂੰ ਵੇਖਿਆ ਤਾਂ ਉਸ ਨੇ ਆਪਣੇ 10 ਸਾਲਾ ਧੀ ਨੂੰ ਲੁਕਣ ਲਈ ਕਿਹਾ ਅਤੇ ਇੱਕ ਛਤਰੀ ਦੇ ਨਾਲ ਹਮਲਾਵਰ ਨਾਲ ਉਲਝ ਗਈ।
ਇਸ ਹਮਲੇ 'ਚ ਕਲੌਸਨ ਨੂੰ ਸਿਰ, ਹੱਥ ਅਤੇ ਧੌਣ 'ਤੇ ਸੱਟਾਂ ਲੱਗੀਆਂ ਹਨ।
ਇੱਕ ਵਿਅਕਤੀ ਨੇ ਕਲੌਸਨ ਦੇ ਸ਼ਰੀਰ 'ਤੇ ਵੱਜੇ ਡੂੰਘੇ ਟੱਕਾਂ 'ਤੇ ਰੁਮਾਲ ਨਾਲ ਦਬਾਅ ਬਣਾਇਆ ਸੀ, ਅਤੇ ਪੀੜਤ ਦੀ ਭੈਣ ਦਾ ਕਹਿਣਾ ਹੈ ਕਿ ਸ਼ਾਇਦ ਇਸੇ ਕਾਰਨ ਉਸ ਦੀ ਜਾਨ ਬਚ ਗਈ।
ਯਾਦ ਰਹੇ ਇਸ ਹਮਲੇ ਦੌਰਾਨ ਇੱਕ ਔਰਤ ਦੀ ਮੌਤ ਹੋ ਗਈ ਸੀ ਜਦਕਿ ਕਲੌਸਨ ਸਮੇਤ 6 ਲੋਕ ਜ਼ਖਮੀ ਹੋ ਗਏ ਸਨ।
ਮਾਮਲੇ 'ਚ 28 ਸਾਲਾ ਹਮਲਾਵਰ ਯਾਨਿਕ ਬਾਂਡੈਨਗੋ 'ਤੇ ਦੂਜਾ ਦਰਜ ਕਤਲ ਦੇ ਦੋਸ਼ ਲੱਗੇ ਹਨ।
