15.84C Vancouver 15.84C VancouverJun 15, 2022 9:27 PM - The Canadian Press
ਕੈਲੋਨਾ ਦੇ ਇਲਾਕੇ 'ਚ ਇੱਕ ਲਾਪਤਾ ਔਰਤ ਦੀ ਭਾਲ ਦੀ ਕੋਸ਼ਿਸ਼ ਜਾਰੀ ਹੈ।
ਜਾਣਕਾਰੀ ਅਨੁਸਾਰ ਇਹ ਔਰਤ ਇੱਕ ਕਰੀਕ ਦੇ ਕੋਲ ਸੈਰ ਲਈ ਗਈ ਸੀ ਜਿੱਥੇ ਕਿ ਪਾਣੀ ਦਾ ਪੱਧਰ ਬੇਹੱਦ ਵਧਿਆ ਹੋਇਆ ਸੀ।
ਕੈਲੋਨਾ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਲਾਪਤਾ ਔਰਤ ਦੀ ਉਮਰ 31 ਸਾਲ ਹੈ ਅਤੇ ਉਸ ਦਾ ਨਾਮ ਚੈਲਸੀ ਕਾਰਡਨੋ ਦੱਸਿਆ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਔਰਤ ਮੰਗਲਵਾਰ ਸਵੇਰ ਕਰੀਬ 8 ਵਜੇ ਆਪਣੇ ਘਰ ਤੋਂ ਨਿਕਲੀ ਸੀ।
ਉਸ ਦਾ ਪਲੈਨ ਸੀ ਕਿ ਮਿਸ਼ਨ ਕਰੀਕ ਕੋਲ ਸੈਰ ਕੀਤੀ ਜਾਵੇ।
ਔਰਤ ਦੀ ਚਿੱਟੇ ਰੰਗ ਦੀ ਬੀ.ਐਮ.ਡਬਲਿਊ. ਗੱਡੀ ਮਿਸ਼ਨ ਗਰੀਨਵੇ ਕੋਲ ਖੜੀ ਮਿਲੀ ਪਰ ਪੁਲਿਸ ਦਾ ਕਹਿਣਾ ਸੀ ਕਿ ਔਰਤ ਅਤੇ ਉਸ ਦੇ ਜਰਮਨ ਸ਼ੈਪਰਡ ਕੁੱਤੇ ਦਾ ਕੋਈ ਸੁਰਾਗ ਨਹੀਂ ਮਿਲਿਆ।
ਸਰਚ ਅਤੇ ਰੈਸਕਿਊ ਟੀਮਾਂ ਭਾਲ 'ਚ ਜੁਟੀਆਂ ਹਨ ਅਤੇ ਔਰਤ ਦੀ ਭਾਲ ਲਈ ਹੈਲੀਕਾਪਟਰ ਅਤੇ ਆਰ.ਸੀ.ਐਮ.ਪੀ. ਫੌਰੈਂਸਿਕ ਆਈਡੈਂਟੀਫਿਕੇਸ਼ਨ ਟੀਮਾਂ ਦੀ ਵੀ ਵਰਤੋਂ ਕੀਤੀ ਜਾ ਰਹੀ ਹੈ।
ਮੰਗਲਵਾਰ ਨੂੰ ਭਾਲ ਦੀ ਕੋਸ਼ਿਸ਼ ਜਾਰੀ ਰਹਿਣ ਤੋਂ ਬਾਅਦ ਬੁੱਧਵਾਰ ਨੂੰ ਵੀ ਭਾਲ ਸੰਬੰਧੀ ਕੋਸ਼ਿਸ਼ ਜਾਰੀ ਹੈ।
ਭਾਲ ਟੀਮਾਂ ਇਸ ਲਈ ਵੀ ਚਿੰਤਤ ਹਨ ਕਿ ਮਿਸ਼ਨ ਕਰੀਕ 'ਚ ਭਾਲ ਦੌਰਾਨ ਕੁਝ ਕਿਆਕਰਸ ਨੂੰ ਵੀ ਬਚਾਇਆ ਗਿਆ ਅਤੇ ਭਾਲ ਟੀਮਾਂ ਨੇ ਸਿਵਿਲੀਅਨਸ ਨੂੰ ਇਸ ਇਲਾਕੇ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਹੈ।
ਲਾਪਤਾ ਔਰਤ ਦਾ ਕੱਦ ਕਰੀਬ 4'11" ਅਤੇ ਉਸ ਦਾ ਭਾਰ ਕਰੀਬ 108 ਪਾਊਂਡ ਦੱਸਿਆ ਗਿਆ ਹੈ।
