16.68C Vancouver 16.68C VancouverMar 11, 2021 9:23 PM -
ਵੈਨਕੂਵਰ ਦੇ ਸਟੈਂਲੀ ਪਾਰਕ ਵਿੱਚ ਇੱਕ ਟੈਂਪਰੇਰੀ ਬਾਈਕ ਲੇਨ ਦੀ ਵਾਪਸੀ ਹੋ ਰਹੀ ਹੈ।
ਇਸ ਦੇ ਨਾਲ ਟ੍ਰੈਫਿਕ ਦੀ ਇੱਕ ਲੇਨ ਨੂੰ ਹੁਣ ਬਾਈਕ ਸਵਾਰਾਂ ਦੇ ਲਈ ਵਰਤਣਾ ਸ਼ੁਰੂ ਹੋ ਜਾਵੇਗਾ।
ਬੁੱਧਵਾਰ ਨੂੰ ਪਾਰਕ ਬੋਰਡ ਕਮਿਸ਼ਨਰਸ ਨੇ ਪਾਰਕ ਡ੍ਰਾਈਵ 'ਚ ਲੇਨ ਨੂੰ ਸਥਾਪਿਤ ਕਰਨ ਦੇ ਹੱਕ 'ਚ 5-2 ਦੇ ਫਰਕ ਨਾਲ ਵੋਟ ਕੀਤਾ।
ਜਲਦੀ ਤੋਂ ਜਲਦੀ ਇਸ ਨੂੰ ਲਾਗੂ ਕਰਨ ਤੋਂ ਬਾਅਦ ਇਸ ਦੇ ਘਟੋ-ਘੱਟ 31 ਅਕਤੂਬਰ ਤਕ ਜਾਰੀ ਰਹਿਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਵੋਟਿੰਗ ਉਸ ਵੇਲੇ ਹੋਈ ਜਦ ਇਸ ਇਲਾਕੇ ਦੇ ਵਪਾਰ ਸਵਾਲ ਚੁੱਕ ਰਹੇ ਸਨ ਕਿ ਟ੍ਰੈਫਿਕ ਲਈ ਇੱਕੋ ਲੇਨ ਰਹਿ ਜਾਣ ਨਾਲ ਉਨ੍ਹਾਂ ਦੇ ਰੈਸਟੂਰੈਂਟਾਂ ਅਤੇ ਹੋਰ ਥਾਵਾਂ 'ਤੇ ਆਵਾਜਾਈ ਪ੍ਰਭਾਵਿਤ ਹੋਵੇਗੀ।
ਬੁਜ਼ੁਰਗਾਂ ਅਤੇ ਮੋਬਿਲਿਟੀ ਸੰਬੰਧੀ ਚੁਣੌਤੀ ਦਾ ਸਾਹਮਣਾ ਕਰਨ ਵਾਲੇ ਲੋਕਾਂ ਨੇ ਵੀ ਇਸ ਫੈਸਲੇ 'ਤੇ ਸਵਾਲ ਚੁੱਕੇ ਹਨ ਅਤੇ ਕਿਹਾ ਹੈ ਕਿ ਇਸ ਨਾਲ ਉਨ੍ਹਾਂ ਦੀ ਪਾਰਕ ਦਾ ਅਨੰਦ ਮਾਨਣ ਦੀ ਪ੍ਰੀਕਿਰਿਆ 'ਚ ਵਿਘਨ ਪੈਂਦਾ ਹੈ।
ਯਾਦ ਰਹੇ ਇਸ ਲੇਨ ਨੂੰ ਉਸ ਵੇਲੇ ਲਿਆਂਦਾ ਗਿਆ ਸੀ ਜਦ ਪੈਂਡੈਮਿਕ ਦੇ ਮਾਮਲੇ ਵਧਣ ਲੱਗੇ ਸਨ ਅਤੇ ਇਸ ਦਾ ਟੀਚਾ ਤੁਰਨ ਵਾਲੇ ਲੋਕਾਂ ਅਤੇ ਬਾਈਕ ਸਵਾਰਾਂ 'ਚ ਵਧੇਰੇ ਦੂਰੀ ਬਣਾ ਕੇ ਰੱਖਣਾ ਸੀ।
