12.49C Vancouver 12.49C VancouverJun 12, 2025 6:05 PM - The Canadian Press
ਕੈਨੇਡਾ ਲਈ 2025 ਦਾ ਵਾਈਲਡ ਫਾਇਰ ਸੀਜ਼ਨ ਦੂਜਾ ਸਭ ਤੋਂ ਖਰਾਬ ਸੀਜ਼ਨ ਸਾਬਤ ਹੋਣ ਦੀ ਰਾਹ 'ਤੇ ਹੈ। ਪਬਲਿਕ ਸੇਫਟੀ ਕੈਨੇਡਾ ਦੇ ਅਧਿਕਾਰੀ ਨੇ ਅੱਜ ਔਟਵਾ ਵਿਚ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਇਹ ਗੱਲ ਆਖੀ। ਉਨ੍ਹਾਂ ਕਿਹਾ ਕਿ ਜੁਲਾਈ ਵਿਚ ਅੱਗ ਲੱਗਣ ਦਾ ਸਭ ਤੋਂ ਵੱਡਾ ਖ਼ਤਰਾ ਦੱਖਣੀ ਬ੍ਰਿਟਿਸ਼ ਕੋਲੰਬੀਆ ਵਿਚ ਹੋਣ ਦੀ ਉਮੀਦ ਹੈ, ਜਦੋਂ ਕਿ ਉੱਤਰ-ਪੱਛਮੀ ਖੇਤਰ ਅਤੇ ਯੂਕੋਨ ਨੂੰ ਜੰਗਲ ਦੀ ਅੱਗ ਦੇ ਵਧੇਰੇ ਖ਼ਤਰੇ ਦਾ ਸਾਹਮਣਾ ਕਰਨਾ ਪਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਸਾਲ ਦਾ ਵਾਈਲਡ ਫਾਇਰ ਸੀਜ਼ਨ 2023 ਦੇ ਜੰਗਲੀ ਅੱਗ ਦੇ ਸੀਜ਼ਨ ਤੋਂ ਬਾਅਦ ਦੂਜਾ ਸਭ ਤੋਂ ਖਰਾਬ ਸੀਜ਼ਨ ਹੈ, ਜਿਸ ਨੇ ਹੁਣ ਤੱਕ 3.7 ਮਿਲੀਅਨ ਹੈਕਟੇਅਰ ਖੇਤਰ ਨੂੰ ਸਾੜ ਦਿੱਤਾ ਹੈ, ਜੋ ਕਿ ਪ੍ਰਿੰਸ ਐਡਵਰਡ ਆਈਲੈਂਡ ਦੇ ਖੇਤਰਫਲ ਤੋਂ ਛੇ ਗੁਣਾ ਹੈ।
ਇਸ ਵਿਚਕਾਰ ਵਾਤਾਵਰਣ ਅਤੇ ਜਲਵਾਯੂ ਪਰਿਵਰਤਨ ਕੈਨੇਡਾ ਨੇ ਅਗਸਤ ਤੱਕ ਪੂਰੇ ਦੇਸ਼ ਵਿਚ ਆਮ ਨਾਲੋਂ ਵੱਧ ਤਾਪਮਾਨ ਰਹਿਣ ਦਾ ਅਨੁਮਾਨ ਲਗਾਇਆ ਹੈ, ਖਾਸ ਤੌਰ 'ਤੇ ਮੈਨੀਟੋਬਾ ਦੇ ਈਸਟ ਵਿਚ ਸਥਿਤ ਸੂਬਿਆਂ ਵਿਚ ਇਹ ਸਥਿਤੀ ਹੋ ਸਕਦੀ ਹੈ। ਹਾਲਾਂਕਿ, ਕੇਂਦਰੀ ਅਤੇ ਪੱਛਮੀ ਸੂਬੇ ਅਤੇ ਇਲਾਕੇ ਵਿਚ ਜੰਗਲੀ ਅੱਗ ਦਾ ਖ਼ਤਰਾ ਸਭ ਤੋਂ ਜ਼ਿਆਦਾ ਬਣਿਆ ਹੋਇਆ ਹੈ।
