13.85C Vancouver 13.85C VancouverDec 9, 2024 2:51 PM - The Canadian Press
ਕੈਨੇਡਾ ਪੋਸਟ ਦੇ 55,000 ਤੋਂ ਵੱਧ ਕਰਮਚਾਰੀ ਆਪਣੀਆਂ ਮੰਗਾਂ ਨੂੰ ਲੈ ਕੇ ਲਗਾਤਾਰ ਹੜਤਾਲ ’ਤੇ ਹਨ। ਵਪਾਰਕ ਭਾਈਚਾਰੇ ਵਲੋਂ ਨੁਕਸਾਨ ਦਾ ਹਵਾਲਾ ਦਿੰਦੇ ਹੋਏ ਟਰੂਡੋ ਸਰਕਾਰ ਨੂੰ ਹੜਤਾਲ ਵਿਚ ਦਖ਼ਲ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ ਪਰ ਸਰਕਾਰ ਨੇ ਇਸ ਤੋਂ ਇਨਕਾਰ ਕੀਤਾ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਇਸ ਮਾਮਲੇ ਵਿਚ ਕਿਸੇ ਤਰ੍ਹਾਂ ਦਾ ਕੋਈ ਦਖ਼ਲ ਨਹੀਂ ਕਰਨ ਵਾਲੀ ਹੈ।
ਪੋਸਟਲ ਵਰਕਰਜ਼ ਦੀ ਹੜਤਾਲ 25 ਦਿਨ ਪੂਰੇ ਕਰ ਗਈ ਹੈ ਅਤੇ ਦੋਵੇਂ ਧਿਰਾਂ ਵਿਚਕਾਰ ਵਾਪਸ ਗੱਲਬਾਤ ਸ਼ੁਰੂ ਹੋਣ ਦਾ ਫਿਲਹਾਲ ਕੋਈ ਸੰਕੇਤ ਨਹੀਂ ਹੈ। ਕੈਨੇਡਾ ਪੋਸਟ ਦਾ ਕਹਿਣਾ ਹੈ ਕਿ ਉਹ ਯੂਨੀਅਨ ਨੂੰ ਭੇਜੇ ਗਏ ਪ੍ਰਸਤਾਵ ਦੇ ਰਸਮੀ ਜਵਾਬ ਦੀ ਉਡੀਕ ਕਰ ਰਹੀ ਹੈ।
ਉਥੇ ਹੀ, ਯੂਨੀਅਨ ਇਸ ਪ੍ਰਸਤਾਵ ਨਾਲ ਬਹੁਤੀ ਸਹਿਮਤ ਨਹੀਂ ਹੈ ਪਰ ਉਸ ਨੇ ਗੱਲਬਾਤ ਮੁੜ ਸ਼ੁਰੂ ਕਰਨ ਦੀ ਹਮਾਇਤ ਕੀਤੀ ਹੈ। ਪੋਸਟਲ ਵਰਕਰਜ਼ ਦੀ ਇਹ ਹੜਤਾਲ 14 ਨਵੰਬਰ ਤੋਂ ਚੱਲ ਰਹੀ ਹੈ।
ਹਾਲਾਂਕਿ, ਇਸ ਤੋਂ ਪਹਿਲਾਂ ਫੈਡਰਲ ਸਰਕਾਰ ਪੋਰਟ ਵਰਕਰਜ਼ ਸਮੇਤ ਹੋਰ ਹਾਈ ਪ੍ਰੋਫਾਇਲ ਹੜਤਾਲ ਵਿਚ ਦਖ਼ਲ ਦੇ ਚੁੱਕੀ ਹੈ ਪਰ ਕੈਨੇਡਾ ਪੋਸਟ ਦੀ ਹੜਤਾਲ ਵਿਚ ਸਰਕਾਰ ਸਿੱਧੇ ਦਖ਼ਲ ਦੇਣ ਦਾ ਕੋਈ ਰਿਸਕ ਨਹੀਂ ਲੈ ਰਹੀ।
