18.78C Vancouver 18.78C VancouverMay 1, 2020 11:28 PM -
ਗ੍ਰੀਸ ਦੇ ਸਮੁੰਦਰੀ ਤਟਾਂ ਕੋਲ ਈਓਨੀਅਨ ਸਮੁੰਦਰ 'ਚ ਕਨੇਡੀਅਨ ਨੇਟੋ ਹੈਲੀਕੌਪਟਰ ਬੁੱਧਵਾਰ ਨੂੰ ਕ੍ਰੈਸ਼ ਹੋ ਗਿਆ ਸੀ।
ਡਿਫੈਂਸ ਡਿਪਾਰਟਮੈਂਟ ਨੇ ਅੱਜ ਸੂਚਨਾ ਜਾਰੀ ਕੀਤੀ ਕਿ, ਇਸ ਮਾਮਲੇ ਨੂੰ ਹੁਣ ਰਿਕਵਰੀ ਅਭਿਆਨ ਐਲਾਨ ਦਿੱਤਾ ਗਿਆ ਹੈ।
ਯਾਨੀ ਕਿ ਲਾਪਤਾ 5 ਮੈਂਬਰਾਂ ਦੇ ਬਚਣ ਦੀ ਆਸ ਛੱਡ ਦਿੱਤੀ ਗਈ ਹੈ।
ਘਟਨਾ ਤੋਂ ਬਾਅਦ ਭਾਲ ਅਤੇ ਬਚਾਅ ਅਭਿਆਨ ਆਰੰਭ ਦਿੱਤੇ ਗਏ ਸਨ।
ਬੁੱਧਵਾਰ ਨੂੰ CH-148 Cyclone ਦੇ ਨਾਲ ਸੰਪਰਕ ਟੁੱਟ ਗਿਆ ਸੀ।
ਕ੍ਰੈਸ਼ ਹੋਏ ਹੈਲੀਕਾਪਟਰ ਦਾ ਹੋਰ ਮਲਬਾ ਮਿਲੇ ਹੋਣ ਦੀਆਂ ਖਬਰਾਂ ਹਨ।
ਇਸਤੋਂ ਅਲਾਵਾ ਹੋਰ ਮ੍ਰਿਤਕਾਂ ਦੇ ਮਿਲੇ ਹੋਣ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ ਹੈ, ਪਰ ਅਜੇ ਪਛਾਣ ਨਹੀਂ ਹੋ ਸਕੀ ਹੈ।
ਨੇਵੀ ਦੀ ਮੈਰੀਟਾਈਮ ਕਮਾਂਡ ਦੇ ਕਮਾਂਡਰ, ਰੀਅਰ ਐਡਮਿਰਲ ਕ੍ਰੈਗ ਬੇਨਸ ਨੇ ਹੈਲੀਫੈਕਸ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਆਖਿਆ ਕਿ ਅਭਿਆਨ ਨੂੰ ਰਿਕਵਰੀ ਮਿਸ਼ਨ ਦੱਸਣਾ ਸੌਖਾ ਨਹੀਂ ਸੀ।
ਗਵਰਨਰ ਜਨਰਲ ਜੂਲੀ ਪਾਏਟ ਨੇ ਵੀ ਅੱਜ ਪੀੜਤ ਮੈਂਬਰਾਂ ਅਤੇ ਘਟਨਾ ਸੰਬੰਧੀ ਇੱਕ ਭਾਵੁਕ ਸੁਨੇਹਾ ਸਾਂਝਾ ਕੀਤਾ ਹੈ।
