10.96C Vancouver 10.96C VancouverMar 11, 2026 5:18 PM - Connect Newsroom - Ramandeep Kaur with files from The Canadian Press
ਕੰਜ਼ਰਵੇਟਿਵ ਨੇ 13 ਅਪ੍ਰੈਲ ਨੂੰ ਹੋਣ ਵਾਲੀਆਂ ਤਿੰਨ ਜ਼ਿਮਨੀ ਚੋਣ ਵਿਚੋਂ ਦੋ ਲਈ ਆਪਣੇ ਉਮੀਦਵਾਰਾਂ ਦਾ ਨਾਮ ਐਲਾਨ ਦਿੱਤਾ ਹੈ। ਪਿਛਲੇ ਸਾਲ ਦੀਆਂ ਚੋਣਾਂ ਵਿਚ ਪਾਰਟੀ ਵੱਲੋਂ ਚੋਣ ਲੜ ਚੁੱਕੀ ਐਡਰੀਏਨ ਚਾਰਲਸ ਇੱਕ ਵਾਰ ਫਿਰ ਕਿਊਬੈਕ ਦੀ ਟੈਰੇਬੋਨ ਰਾਈਡਿੰਗ ਤੋਂ ਮੈਦਾਨ ਵਿੱਚ ਹੋਵੇਗੀ।
ਇਸ ਸੀਟ ਲਈ ਇਹ ਜ਼ਿਮਨੀ ਚੋਣ ਸੁਪਰੀਮ ਕੋਰਟ ਦੇ ਉਸ ਫੈਸਲੇ ਤੋਂ ਬਾਅਦ ਹੋ ਰਹੀ ਹੈ ਜਿਸ ਵਿਚ ਕੋਰਟ ਨੇ ਲਿਬਰਲ ਦੀ ਬਲਾਕ ਕਿਊਬੈਕਵਾ ਦੇ ਉਮੀਦਵਾਰ 'ਤੇ ਇੱਕ-ਵੋਟ ਦੀ ਜਿੱਤ ਨੂੰ ਰੱਦ ਕਰ ਦਿੱਤਾ ਸੀ। ਉਥੇ ਹੀ, ਟੋਰੌਂਟੋ ਦੀ ਹਾਈ-ਪ੍ਰੋਫਾਈਲ ਸੀਟ ਯੂਨੀਵਰਸਿਟੀ-ਰੋਜ਼ਡੇਲ ਤੋਂ ਡੌਨ ਹਾਜਸਨ ਕੰਜ਼ਰਵੇਟਿਵ ਪਾਰਟੀ ਵਲੋਂ ਚੋਣ ਲੜਨਗੇ। ਇਹ ਸੀਟ ਸਾਬਕਾ ਕੈਬਨਿਟ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦੇ ਅਸਤੀਫੇ ਤੋਂ ਬਾਅਦ ਖਾਲੀ ਹੋਈ ਸੀ।
ਤੀਜੀ, ਜ਼ਿਮਨੀ ਚੋਣ ਸਕਾਰਬਰੋ ਸਾਊਥ ਵੈਸਟ ਵਿਚ ਹੋਣੀ ਹੈ,ਜੋ ਪਹਿਲਾਂ ਲਿਬਰਲ ਐਮ.ਪੀ. ਅਤੇ ਸਾਬਕਾ ਡਿਫੈਂਸ ਮਿਨਿਸਟਰ ਬਿਲ ਬਲੇਅਰ ਕੋਲ ਸੀ। ਇਸ ਸੀਟ ਲਈ ਕੰਜ਼ਰਵੇਟਿਵ ਨੇ ਅਜੇ ਤੱਕ ਕਿਸੇ ਉਮੀਦਵਾਰ ਦਾ ਐਲਾਨ ਨਹੀਂ ਕੀਤਾ ਹੈ। ਉਥੇ ਹੀ, ਲਿਬਰਲ ਪਾਰਟੀ ਤਿੰਨੋ ਸੀਟਾਂ ਉਤੇ ਉਮੀਦਵਾਰ ਉਤਾਰ ਚੁੱਕੀ ਹੈ, ਜਿਨ੍ਹਾਂ ਵਿਚੋਂ ਓਨਟਾਰੀਓ ਐਨ.ਡੀ.ਪੀ. ਤੋਂ ਹਾਲ ਹੀ ਵਿਚ ਲਿਬਰਲਸ ਵਿਚ ਸ਼ਾਮਲ ਹੋਈ ਡੌਲੀ ਬੇਗਮ ਸਕਾਰਬਰੋ ਸਾਊਥ ਵੈਸਟ ਸੀਟ ਲਈ ਉਮੀਦਵਾਰ ਬਣਾਈ ਗਈ ਹੈ।
