17.38C Vancouver 17.38C VancouverMay 18, 2022 12:48 AM - Connect News
ਅੱਜ ਸਿਟੀ ਆਫ ਸਰੀ ਵਿਖੇ ਰੱਖੇ ਗਏ ਇੱਕ ਸਮਾਗਮ ਦੌਰਾਨ ਗੁਰੂ ਨਾਨਕ ਇੰਸਟੀਟਿਊਟ ਆਫ ਗਲੋਬਲ ਸਟਡੀਸ ਦਾ ਅਧਿਕਾਰਿਤ ਲਾਂਚ ਕੀਤਾ ਗਿਆ।
ਜੀ.ਐਨ.ਆਈ. ਦਾ ਲਾਂਚ 3 ਪ੍ਰੋਗਰਾਮਸ ਨਾਲ ਕੀਤਾ ਜਾ ਰਿਹਾ ਹੈ।
ਸਿੱਖ ਸਟਡੀਸ ਡਿਪਲੋਮਾ, ਪੰਜਾਬੀ ਸਟਡੀਸ ਸਰਟੀਫਿਕੇਟ ਅਤੇ ਗੁਰਮਤਿ ਮਿਊਜਿਕ ਡਿਪਲੋਮਾ ਦੇ ਨਾਲ ਇਸ ਇਸਨਟੀਟਿਊਟ ਦਾ ਲਾਂਚ ਕੀਤਾ ਗਿਆ ਹੈ।
ਇੰਸਟੀਟਿਊਟ ਦਾ ਕਹਿਣਾ ਹੈ ਕਿ ਇਹ ਆਪਣੀ ਪ੍ਰਕਾਰ ਦੇ ਨੌਰਥ ਅਮਰੀਕਾ ਦੇ ਵਿੱਚ ਪਹਿਲੇ ਪ੍ਰੋਗਰਾਮ ਹਨ ਅਤੇ ਜੀ.ਐਨ.ਆਈ. ਦੀ ਫੈਕਲਟੀ ਦੇ ਵਿੱਚ ਗਲੋਬਲ ਪੱਧਰ ਦੇ ਯੂਨੀਵਰਸਿਟੀ ਪਰੋਫੈਸਰ ਸ਼ਾਮਿਲ ਹਨ ਜੋ ਕਿ ਵੱਖੋ-ਵੱਖਰੇ ਫੀਲਡਸ ਅਤੇ ਡਿਸਿਪਲਿਨਸ ਨਾਲ ਸੰਬੰਧਤ ਹਨ।
ਇਸ ਦੇ ਅਕੈਡਮਿਕ ਬੋਰਡ ਦੇ ਵਿੱਚ ਕੈਨੇਡਾ ਤੋਂ ਇਲਾਵਾ, ਅਮਰੀਕਾ, ਯੂ.ਕੇ. ਅਤੇ ਭਾਰਤ ਦੇ ਐਜੂਕੇਟਰ ਅਤੇ ਰਿਸਰਚਰ ਸ਼ਾਮਿਲ ਹਨ। ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਸਿਧਾਂਤਾਂ ਦਾ ਹਵਾਲਾ ਦਿੰਦੇ ਹੋਏ ਇਨਟੀਟਿਊਟ ਨੇ ਜਾਣਕਾਰੀ ਦਿੱਤੀ ਕਿ ਕਲਚਰਲ ਡਾਈਵਰਸਿਟੀ ਅਤੇ ਰਿਸਰਚ, ਐਜੂਕੇਸ਼ਨ ਅਤੇ ਸਰਵਿਸ ਆਸਰੇ ਇੱਕ-ਦੂਜੇ ਦੇ ਨਾਲ ਮਿਲ ਕੇ ਚੱਲਣ 'ਤੇ ਧਿਆਨ ਦਿੱਤਾ ਜਾਵੇਗਾ।
ਇਸ ਮੌਕੇ ਇੰਸਟੀਟਿਊਟ ਲਈ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਦਿੱਤਾ ਸੁਨੇਹਾ ਵੀ ਪੜ੍ਹਿਆ ਗਿਆ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਲਿਖਤ ਸੰਦੇਸ਼ 'ਚ ਆਖਿਆ ਕਿ ਇਹ ਅਦਭੁਤ ਹੈ ਕਿ ਤੁਸੀਂ ਕੈਨੇਡਾ ਦੇ ਲਈ ਚੁਣੌਤੀ ਭਰੇ ਸਾਬਿਤ ਹੋਏ ਸਮੇਂ ਦੌਰਾਨ ਇਹ ਉਪਲਬਧੀ ਹਾਸਿਲ ਕਰ ਸਕੇ ਹੋ।
ਉਨ੍ਹਾਂ ਕਿਹਾ ਕਿ ਇੰਸਟੀਟਿਊਟ ਦੀਆਂ ਕੋਸ਼ਿਸ਼ਾਂ ਸਦਕਾ ਲੋਕ ਸਿੱਖ ਭਾਈਚਾਰੇ ਬਾਰੇ ਹੋਰ ਜਾਣਕਾਰੀ ਹਾਸਿਲ ਕਰ ਪਾਉਣਗੇ। ਇਸ ਦੇ ਨਾਲ ਹੀ ਪ੍ਰੀਮਿਅਰ ਜੌਨ ਹੌਰਗਨ ਵੱਲੋਂ ਦਿੱਤਾ ਗਿਆ ਵੀਡੀਓ ਸੰਦੇਸ਼ ਵੀ ਵਿਖਾਇਆ ਗਿਆ।
ਸਰੀ ਦੇ ਮੇਅਰ ਡਗ ਮੈਕੁਲਮ ਇਸ ਮੌਕੇ ਮੌਜੂਦ ਸਨ ਅਤੇ ਉਨ੍ਹਾਂ ਇੰਸਟੀਟਿਊਟ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਸ ਨਾਲ ਇਲਾਕੇ 'ਚ ਹੋਰ ਵਿਕਾਸ ਹੋਵੇਗਾ।
ਅੱਜ ਦੇ ਸਮਾਗਮ ਦੌਰਾਨ ਇਸ ਇੰਸਟੀਟਿਊਟ ਦੀ ਮੈਨੇਜਮੈਂਟ ਦੇ ਲੋਕ ਵੀ ਹਾਜਿਰ ਸਨ ਅਤੇ ਬੋਰਡ ਚੇਅਰ ਗਿਆਨ ਸਿੰਘ ਸੰਧੂ ਨੇ ਕਿਹਾ ਕਿ ਅਸੀਂ ਮਨੁੱਖਤਾ ਪ੍ਰਤੀ ਸੇਵਾ, ਕਰੌਸ ਕਲਚਰ ਸਮਝ, ਕ੍ਰਿਟਿਕਲ ਥਿੰਕਿੰਗ ਅਤੇ ਡਾਈਵਰਸਿਟੀ ਜਿਹੇ ਵਿਸ਼ਿਆਂ 'ਤੇ ਕੰਮ ਕੀਤਾ ਜਾਵੇਗਾ।
