11.69C Vancouver 11.69C VancouverAug 15, 2022 5:09 PM - THE CANADIAN PRESS
ਐਲਬਰਟਾ ਦੇ ਬਹੁਤ ਸਾਰੇ ਹਿੱਸਿਆਂ ਵਿਚ ਤਾਪਮਾਨ 30 ਡਿਗਰੀ ਸੈਲਸੀਅਸ ਦੇ ਆਸਪਾਸ ਹੋਣ ਵਿਚਕਾਰ ਜੰਗਲਾਂ ਵਿਚ ਅੱਗ ਲੱਗਣ ਦਾ ਖ਼ਤਰਾ ਮੰਡਰਾ ਰਿਹਾ ਹੈ।
ਸੂਬੇ ਵਿਚ ਇਸ ਸਮੇਂ ਜੰਗਲੀ ਅੱਗ ਦੇ 35 ਸਰਗਰਮ ਮਾਮਲੇ ਹਨ।
ਚੱਟਾਨਾਂ ਦੇ ਈਸਟਰਨ ਸਲੋਪ ਨਾਲ ਲੱਗਦੇ ਕੈਲਗਰੀ ਫੋਰੇਸਟ ਏਰੀਏ ਵਿਚ ਅੱਗ ਦਾ ਖ਼ਤਰਾ ਜਤਾਇਆ ਗਿਆ ਹੈ ਪਰ ਇਸ ਵਿਚ ਕੈਲਗਰੀ ਸ਼ਹਿਰ ਸ਼ਾਮਲ ਨਹੀਂ ਹੈ। ਕੈਲਗਰੀ ਫੋਰੇਸਟ ਏਰੀਏ ਵਿਚ ਮੌਜੂਦਾ ਫਾਇਰ ਪਰਮਿਟ ਸੈਸਪੈਂਡ ਕੀਤੇ ਗਏ ਹਨ।
ਬੈਨਫ, ਕੈਨਮੋਰ, ਥ੍ਰੀ ਹਿਲਸ, ਰੌਕੀ ਵਿਊ ਕਾਊਂਟੀ, ਫੁੱਟਹਿਲ ਕਾਊਂਟੀ, ਸਾਈਪਰਸ ਕਾਊਂਟੀ, ਅਤੇ ਲੈਥਬ੍ਰਿਜ ਦੀ ਰਿਵਰ ਵੈਲੀ ਲਈ ਵੀ ਫਾਇਰ ਬੈਨ ਲਾਗੂ ਹੈ।
ਗੌਰਤਲਬ ਹੈ ਕਿ ਪਿਛਲੇ ਸਾਲ ਜੰਗਲੀ ਅੱਗ ਨੇ ਕੈਨੇਡੀਅਨ ਫੋਰੇਸਟ ਦਾ 4.3 ਮਿਲੀਅਨ ਹੈਕਟੇਅਰ ਖੇਤਰ ਰਾਖ਼ ਕਰ ਦਿੱਤਾ ਸੀ।
