17.45C Vancouver 17.45C VancouverMar 21, 2024 2:08 PM - The Connect News
ਪੰਜਾਬ ਵਿਚ ਸ਼੍ਰੋਮਣੀ ਅਕਾਲੀ ਦਲ ਇਸ ਵਾਰ ਲੋਕ ਸਭਾ ਚੋਣਾਂ ਵਿਚ ‘ਇਕ ਪਰਿਵਾਰ-ਇਕ ਟਿਕਟ’ ਦੀ ਪਾਲਿਸੀ ਲਾਗੂ ਕਰੇਗਾ, ਜਿਸ ਦਾ ਮਤਲਬ ਹੈ ਕਿ ਬਾਦਲ ਪਰਿਵਾਰ ਵਿਚੋਂ ਸਿਰਫ਼ ਇੱਕ ਮੈਂਬਰ ਹੀ ਲੋਕ ਸਭਾ ਚੋਣ ਲੜੇਗਾ।
2019 ਵਿਚ ਬਠਿੰਡਾ ਤੋਂ ਹਰਸਿਮਰਤ ਕੌਰ ਬਾਦਲ ਅਤੇ ਫਿਰੋਜ਼ਪੁਰ ਤੋਂ ਸੁਖਬੀਰ ਬਾਦਲ ਨੇ ਚੋਣ ਲੜੀ ਸੀ ਅਤੇ ਦੋਵੇਂ ਹੀ ਜੇਤੂ ਰਹੇ ਸਨ ਪਰ ਇਸ ਵਾਰ ਇਨ੍ਹਾਂ ਦੋਵਾਂ ਵਿਚੋਂ ਇੱਕ ਹੀ ਲੋਕ ਸਭਾ ਚੋਣ ਲੜੇਗਾ।
ਇਸ ਪਾਲਿਸੀ ’ਤੇ ਸ਼ੁੱਕਰਵਾਰ ਨੂੰ ਹੋਣ ਵਾਲੀ ਅਕਾਲੀ ਦਲ ਦੀ ਕੋਰ ਕਮੇਟੀ ਦੀ ਮੀਟਿੰਗ ਵਿਚ ਚਰਚਾ ਕੀਤੀ ਜਾਵੇਗੀ। ਚਰਚਾ ਹੈ ਕਿ ਹਰਸਿਮਰਤ ਕੌਰ ਇਸ ਵਾਰ ਵੀ ਬਠਿੰਡਾ ਸੀਟ ਤੋਂ ਚੋਣ ਲੜਨਗੇ। ਜੇ ਅਕਾਲੀ ਦਲ ਇਹ ਪਾਲਿਸੀ ਲਾਗੂ ਕਰਦਾ ਹੈ ਤਾਂ ਇਹ ਸਿਆਸਤ ਵਿਚ ਪਰਿਵਾਰਵਾਦ ਖਿਲਾਫ਼ ਉਸ ਦਾ ਵੱਡਾ ਕਦਮ ਹੋਵੇਗਾ।
