18.56C Vancouver 18.56C VancouverNov 21, 2023 5:08 PM - connect news
ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਵੱਲੋਂ ਅੱਜ ਪੇਸ਼ ਕੀਤੇ ਜਾਣ ਵਾਲੇ ਮਿੰਨੀ ਬਜਟ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਕਿਹਾ ਕਿ ਫਾਲ ਐਕਨੌਮਿਕ ਸਟੇਟਮੈਂਟ ਵਿੱਚ ਉਨ੍ਹਾਂ ਚੀਜ਼ਾਂ 'ਤੇ ਫੋਕਸ ਕੀਤਾ ਗਿਆ ਹੈ ਜਿਨ੍ਹਾਂ ਕਾਰਨ ਕੈਨੇਡੀਅਨ ਨੂੰ ਇਸ ਸਮੇਂ ਮੁਸ਼ਕਲ ਸਮੇਂ ਵਿੱਚੋਂ ਲੰਘਣਾ ਪੈ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵਿੱਚ ਹਾਊਸਿੰਗ, ਗਰੌਸਰੀ ਕੀਮਤਾਂ ਅਤੇ ਗ੍ਰੀਨ ਇੰਡਸਟ੍ਰੀਅਲ ਰਣਨੀਤੀ ਨਾਲ ਸੰਬੰਧਤ ਨੌਕਰੀਆਂ ਵਰਗੇ ਉਪਰਾਲੇ ਸ਼ਾਮਲ ਹੋਣਗੇ।
ਗੌਰਤਲਬ ਹੈ ਕਿ ਅਗਲੇ ਫੈਡਰਲ ਇਲੈਕਸ਼ਨਸ ਤੋਂ ਪਹਿਲਾਂ ਲਿਬਰਲਸ ਵੱਲੋਂ ਹਾਊਸਿੰਗ ਅਤੇ ਕੌਸਟ ਆਫ਼ ਲਿਵਿੰਗ ਵਰਗੇ ਮੁੱਦਿਆਂ ਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਕਿਫਾਇਤੀ ਰਿਹਾਇਸ਼ ਦੇ ਉਸਾਰੀ ਲਈ ਸਰਕਾਰ ਆਸਾਨ ਕਰਜ਼ੇ ਅਤੇ ਸਿੱਧੀ ਫੰਡਿੰਗ ਵਰਗੇ ਕਦਮ ਐਲਾਨਣ ਜਾ ਰਹੀ ਹੈ।
ਬਿਲਡਰਸ ਨੂੰ ਕਿਰਾਏ ਦੀ ਰਿਹਾਇਸ਼ ਦੀ ਉਸਾਰੀ ਵਾਸਤੇ 10 ਸਾਲਾਂ ਲਈ $15 ਬਿਲੀਅਨ ਦਾ ਲਾ ਕੌਸਟ ਲੋਨ ਪ੍ਰਦਾਨ ਕੀਤਾ ਜਾ ਸਕਦਾ ਹੈ।
