ਹਰਜੀਤ ਸਿੰਘ ਢੱਡਾ ਕਤਲ ਮਾਮਲਾ, ਬੀ.ਸੀ. ਦੇ ਡੈਲਟਾ 'ਚ ਤੀਜਾ ਸ਼ੱਕੀ ਗ੍ਰਿਫਤਾਰ

ਮਿਸੀਸਾਗਾ ਵਿਚ ਕਾਰੋਬਾਰੀ ਹਰਜੀਤ ਸਿੰਘ ਢੱਡਾ ਦੇ ਕਤਲ ਮਾਮਲੇ ਵਿਚ ਬੀ. ਸੀ. ਤੋਂ ਤੀਜੇ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਡੈਲਟਾ ਪੁਲਿਸ ਅਤੇ ਆਰ.ਸੀ.ਐਮ.ਪੀ. ਨੇ 22 ਸਾਲਾ ਸ਼ਾਹੀਲ ਨਾਮ ਦੇ ਸ਼ੱਕੀ ਨੂੰ ਡੈਲਟਾ ਤੋਂ ਹਿਰਾਸਤ ਵਿਚ ਲਿਆ, ਜਿਸ ਮਗਰੋਂ ਉਸ ਨੂੰ ਓਨਟਾਰੀਓ ਦੀ ਪੀਲ ਪੁਲਿਸ ਦੇ ਹਵਾਲੇ ਕੀਤਾ ਗਿਆ ਹੈ, ਜਿੱਥੇ ਉਸ 'ਤੇ ਫਸਟ ਡਿਗਰੀ ਮਾਰਡਰ ਦਾ ਚਾਰਜ ਹੈ।

ਇਸ ਤੋਂ ਪਹਿਲਾਂ ਇਸ ਕੇਸ ਵਿਚ ਗ੍ਰਿਫਤਾਰ ਕੀਤੇ ਗਏ 21-21 ਸਾਲ ਦੇ ਅਮਨ ਅਤੇ ਦਿਗਵਿਜੇ ਨਾਂ ਦੇ ਦੋ ਸ਼ੱਕੀ ਵੀ ਡੈਲਟਾ ਦੇ ਸਨ। ਗੌਰਤਲਬ ਹੈ ਕਿ ਹਰਜੀਤ ਸਿੰਘ ਢੱਡਾ ਨੂੰ 14 ਮਈ ਨੂੰ ਦਿਨ ਦਿਹਾੜੇ ਗੋਲੀਆਂ ਮਾਰੀਆਂ ਗਈਆਂ ਸਨ।

ਪਰਿਵਾਰ ਦਾ ਦੋਸ਼ ਹੈ ਕਿ ਸ਼ੱਕੀਆਂ ਵਲੋਂ $500,000 ਦੀ ਫਿਰੌਤੀ ਮੰਗ ਗਈ ਸੀ। ਢੱਡਾ 'ਤੇ 15 ਤੋਂ 16 ਫਾਇਰ ਕੀਤੇ ਗਏ ਸਨ ਅਤੇ ਹਸਪਤਾਲ ਲਿਜਾਣ ਦੇ ਥੋੜ੍ਹੀ ਦੇਰ ਬਾਅਦ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਤਿੰਨੋਂ ਸ਼ੱਕੀ ਹੁਣ ਓਨਟਾਰੀਓ ਵਿਚ ਹਿਰਾਸਤ ਵਿਚ ਹਨ।