18.19C Vancouver 18.19C VancouverMar 2, 2021 6:33 PM -
ਸਰੀ ਆਰ.ਸੀ.ਐਮ.ਪੀ. ਨੇ ਸੋਮਵਾਰ ਨੂੰ ਨਿਊਟਨ ਇਲਾਕੇ 'ਚ ਇੱਕ ਸਕੂਲ 'ਚ ਵਾਪਰੀ ਹਿੰਸਕ ਘਟਨਾ ਦੇ ਮਾਮਲੇ 'ਚ ਇੱਕ ਹੋਰ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਸ ਮਾਮਲੇ 'ਚ 2 ਯੁਵਕਾਂ ਨੂੰ ਪਹਿਲਾਂ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਘਟਨਾ ਨਾਲ ਸੰਬੰਧਤ ਤੀਜੇ ਸ਼ੱਕੀ ਨੇ ਖੁਦ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।
ਇੱਕ ਹਾਈ ਸਕੂਲ ਦੇ ਬਾਹਰ ਕਿਸੇ ਪ੍ਰਕਾਰ ਦੇ ਹਥਿਆਰ ਨਾਲ ਹੋਏ ਹਮਲੇ ਤੋਂ ਬਾਅਦ ਗ੍ਰਿਫਤਾਰੀਆਂ ਹੋਈਆਂ ਹਨ।
ਘਟਨਾ ਸਰੀ ਦੇ ਪਨੋਰਮਾ ਰਿਜ ਸੈਕੰਡਰੀ ਦੇ ਬਾਹਰ ਵਾਪਰੀ।
ਇੱਕ ਜ਼ਖਮੀ ਲੜਕੇ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ, ਹਾਲਾਂਕਿ ਉਸ ਦੀ ਹਾਲਤ ਸਥਿਰ ਦੱਸੀ ਗਈ।
ਸਾਰੇ ਸ਼ੱਕੀ ਯੁਵਾ ਹਨ ਅਤੇ ਇਹਨਾਂ ਬਾਰੇ ਪਹਿਲਾਂ ਪੁਲਿਸ ਨੂੰ ਕੋਈ ਜਾਣਕਾਰੀ ਨਹੀਂ ਸੀ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਇਹ ਵਾਰਦਾਤ 2 ਗੁਟਾਂ ਵਿਚਾਲੇ ਜਾਰੀ ਤਕਰਾਰ ਦਾ ਨਤੀਜਾ ਹੈ ਅਤੇ ਇਸ ਨੂੰ ਗੈਂਗ ਹਿੰਸਾ ਨਾਲ ਜੋੜ ਕੇ ਨਹੀਂ ਵੇਖਿਆ ਜਾ ਰਿਹਾ।
ਮਾਮਲੇ ਦੀ ਜਾਂਚ ਹੋ ਜਾਣ ਤਕ ਇਲਾਕੇ 'ਚ ਪੁਲਿਸ ਦੀ ਵਧੇਰੇ ਮੌਜੂਦਗੀ ਵੇਖਣ ਨੂੰ ਮਿਲੇਗੀ।
