24.34C Vancouver 24.34C VancouverAug 26, 2024 4:34 PM - The Canadian Press
ਕੈਲਗਰੀ ਵਿਚ ਪਾਣੀ ਦੀ ਵਰਤੋਂ ਸਬੰਧੀ ਪਾਬੰਦੀਆਂ ਅੱਜ ਤੋਂ ਲਾਗੂ ਹੋਣ ਜਾ ਰਹੀਆਂ ਹਨ। ਸਿਟੀ ਦੇ ਬੀਅਰਸਪਾ ਸਾਊਥ ਫੀਡਰ ਮੇਨ ਵਿਚ ਫਿਰ ਤੋਂ ਖਰਾਬੀ ਆਉਣ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ। ਦੱਸ ਦਈਏ ਕਿ ਹਾਲ ਹੀ ਵਿਚ ਜੂਨ ਮਹੀਨੇ ਵੀ ਤਕਰੀਬਨ ਇਕ ਮਹੀਨਾ ਕੈਲਗਰੀ ਅਤੇ ਇਸ ਦੀਆਂ ਨੇੜਲੀਆਂ ਕਮਿਊਨੀਟਿਜ਼ ਨੂੰ ਪਾਣੀ ਦੀ ਵਰਤੋਂ ਸਬੰਧੀ ਪਾਬੰਦੀਆਂ ਵਿਚੋਂ ਲੰਘਣਾ ਪਿਆ ਸੀ।
ਸਿਟੀ ਅੱਜ ਭਾਵ ਸੋਮਵਾਰ ਤੋਂ ਸਟੇਜ 4 ਦੀਆਂ ਪਾਬੰਦੀਆਂ ਵਿਚ ਰਹੇਗੀ ਅਤੇ ਇਸ ਦੇ ਅਗਲੇ ਮਹੀਨੇ ਦੇ ਆਖਿਰ ਤੱਕ ਜਾਰੀ ਰਹਿਣ ਦੀ ਉਮੀਦ ਹੈ। ਸਿਟੀ ਔਫੀਸ਼ੀਅਲਜ਼ ਦਾ ਕਹਿਣਾ ਹੈ ਕਿ ਪਾਈਪ ਦੀ ਰੀਪੇਅਰ ਹੋਣੀ ਜ਼ਰੂਰੀ ਹੈ ਅਤੇ ਇਸ ਵਾਰ ਹਲਾਤ ਪਹਿਲਾਂ ਵਰਗੇ ਨਹੀਂ ਹੋਣਗੇ।ਇਸ ਲਈ ਲੋਕਾਂ ਨੂੰ ਜ਼ਿਆਦਾ ਘਬਰਾਉਣ ਦੀ ਜ਼ਰੂਰਤ ਨਹੀਂ ਹੈ।
ਰੀਪੇਅਰਿੰਗ ਦੌਰਾਨ ਪੀਣ ਵਾਲੇ ਪਾਣੀ ਦੀ ਵਰਤੋਂ ਬਾਹਰਲੇ ਇਲਾਕੇ ਵਿਚ ਨਹੀਂ ਕੀਤੀ ਜਾ ਸਕਦੀ ਅਤੇ ਬਗੀਚਿਆਂ ਨੂੰ ਵੀ ਇਹ ਪਾਣੀ ਨਹੀਂ ਦਿੱਤਾ ਜਾ ਸਕਦਾ। ਬਾਹਰੀ ਪੂਲ ਜਾਂ ਗਰਮ ਟੱਬ ਭਰੇ ਨਹੀਂ ਜਾਣਗੇ। ਫੁੱਟਪਾਥ ਜਾਂ ਡਰਾਈਵਵੇਅ ਇਲਾਕਿਆਂ ਨੂੰ ਪਾਣੀ ਨਾਲ ਸਾਫ ਨਹੀਂ ਕੀਤਾ ਜਾ ਸਕੇਗਾ। ਹਰੇਕ ਨੂੰ ਸ਼ਾਵਰ ਟਾਈਮ ਘਟਾਉਣਾ ਪਵੇਗਾ। ਉਮੀਦ ਹੈ ਕਿ 23 ਸਤੰਬਰ ਤੱਕ ਪਾਈਪ ਬਿਲਕੁਲ ਠੀਕ ਕਰ ਲਈ ਜਾਵੇਗੀ।
