9.02C Vancouver 9.02C VancouverDec 22, 2020 8:27 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਇਹ ਬੇਹੱਦ ਖਤਰਨਾਕ ਸਮਾਂ ਹੈ ਅਤੇ ਕੈਨੇਡਾ 'ਚ ਕੋਵਿਡ-19 ਮਜ਼ਬੂਤੀ ਨਾਲ ਵਧਣ ਲਈ ਤਿਆਰ ਬੈਠਾ ਹੈ।
ਉਨ੍ਹਾਂ ਨੇ ਕਨੇਡੀਅਨ ਲੋਕਾਂ ਨੂੰ ਅਪੀਲ ਕੀਤੀ ਕਿ ਸਿਹਤ ਸੰਬੰਧੀ ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਰਹਿਣਾ ਜ਼ਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਹੈਲਥ ਕੇਅਰ ਵਰਕਰਾਂ ਨੂੰ ਬਚਾਉਣ ਅਤੇ ਸਥਿਤੀ ਨੂੰ ਵਿਗੜਨ ਤੋਂ ਬਚਾਉਣ ਲਈ ਨਿਰਦੇਸ਼ਾਂ ਦੀ ਪਾਲਣਾ ਜ਼ਰੂਰੀ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਅਜੇ ਤੱਕ ਦੱਖਣੀ ਇੰਗਲੈਂਡ 'ਚ ਸਾਹਮਣੇ ਆਏ ਕੋਵਿਡ-19 ਦੇ ਨਵੇਂ ਸਟ੍ਰੇਨ ਦੇ ਕੋਈ ਮਾਮਲੇ ਫ਼ਿਲਹਾਲ ਕੈਨੇਡਾ 'ਚ ਰਿਪੋਰਟ ਨਹੀਂ ਹੋਏ ਹਨ।
ਯਾਦ ਰਹੇ ਕੈਨੇਡਾ 'ਚ ਇੰਗਲੈਂਡ ਤੋਂ ਆ ਰਹੀਆਂ ਫਲਾਈਟਸ 'ਤੇ ਸੋਮਵਾਰ ਨੂੰ 72 ਘੰਟੇ ਦੀ ਪਬੰਦੀ ਦਾ ਐਲਾਨ ਕੀਤਾ ਗਿਆ ਸੀ।
ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਦਾ ਕਹਿਣਾ ਹੈ ਕਿ ਲੋੜ ਪੈਣ 'ਤੇ ਬਾਰਡਰ ਸੁਰੱਖਿਆ ਸੰਬੰਧੀ ਹੋਰ ਸਖਤ ਨਿਯਮ ਐਲਾਨੇ ਜਾਣਗੇ।
