13.96C Vancouver 13.96C VancouverJul 30, 2021 7:16 PM -
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੇ ਡਾਇਰੈਕਟਰ ਆਫ ਫਾਇਰ ਸੈਂਟਰ ਆਪ੍ਰੇਸ਼ਨਸ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਸੂਬੇ 'ਚ ਗਰਮੀ ਦੇ ਵਾਧੇ ਨਾਲ ਵਾਈਲਡਫਾਇਰਸ ਦੀ ਸਥਿਤੀ ਹੋਰ ਵਿਗੜ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਦੇ ਦੱਖਣੀ ਹਿੱਸੇ ਲਈ ਇਹ ਖਤਰਾ ਵਧੇਰੇ ਹੋ ਸਕਦਾ ਹੈ।
ਬਿਜਲੀ ਡਿੱਗਣ ਨਾਲ ਅੱਗਾਂ ਦੀ ਗਿਣਤੀ 'ਚ ਵਾਧਾ ਹੋਣ ਦਾ ਖਤਰਾ ਵੀ ਮੰਡਰਾ ਰਿਹਾ ਹੈ।
ਹਾਲਾਂਕਿ ਅਗਲੇ ਹਫ਼ਤੇ ਮੀਂਹ ਅਤੇ ਠੰਡੇ ਤਾਪਮਾਨ ਦਾ ਅਨੁਮਾਨ ਕੁਝ ਰਾਹਤ ਪੇਸ਼ ਕਰ ਸਕਦਾ ਹੈ।
ਹਾਲ ਦੀ ਘੜੀ ਸੂਬੇ 'ਚ 62 ਇਵੈਕੂਏਸ਼ਨ ਆਰਡਰ ਜਾਰੀ ਹਨ ਜਿਸ ਨਾਲ 3,400 ਤੋਂ ਵਧੇਰੇ ਪ੍ਰਾਪਰਟੀਆਂ ਪ੍ਰਭਾਵਿਤ ਹੋ ਰਹੀਆਂ ਹਨ।
ਕਰੀਬ 17,700 ਤੋਂ ਪ੍ਰਾਪਰਟੀਆਂ ਇਵੈਕੂਏਸ਼ਨ ਐਲਰਟ 'ਤੇ ਹਨ।
ਇੰਟੀਰੀਅਰ ਹੈਲਥ ਦਾ ਕਹਿਣਾ ਹੈ ਕਿ ਸਾਵਧਾਨੀ ਵਰਤਦੇ ਹੋਏ 2 ਮੋਬਾਈਲ ਆਲਟਰਨੇਟਿਵ ਕੇਅਰ ਸਾਈਟਸ ਸਥਾਪਿਤ ਕੀਤੀਆਂ ਗਈਆਂ ਹਨ।
