16.32C Vancouver 16.32C VancouverMay 1, 2020 6:14 PM -
ਫਾਈਨਾਂਸ ਮਨਿਸਟਰ ਕੈਰੋਲ ਜੇਮਜ਼ ਮੁਤਾਬਕ ਬ੍ਰਿਟਿਸ਼ ਕੋਲੰਬੀਆ ਦੇ ਟੈਕਸ ਫ੍ਰੀ ਐਮਰਜੈਂਸੀ ਬੈਨੇਫਿਟ ਦੀਆਂ ਆਨਲਾਈਨ ਅਰਜ਼ੀਆਂ ਖੁੱਲ੍ਹਣ ਤੋਂ ਕੁਝ ਮਿੰਟਾਂ ਦੇ ਅੰਦਰ ਹੀ ਹਜ਼ਾਰਾਂ ਲੋਕਾਂ ਨੇ ਅਰਜ਼ੀਆਂ ਦਰਜ ਕੀਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਪਹਿਲੇ 45 ਮਿੰਟਾਂ ਦੇ ਅੰਦਰ 16,000 ਲੋਕਾਂ ਨੇ ਬੀ.ਸੀ. ਐਮਰਜੈਂਸੀ ਬੈਨੇਫਿਟ ਫਾਰ ਵਰਕਰਜ਼ ਲਈ ਰਜਿਸਟਰ ਕਰ ਦਿੱਤਾ ਸੀ।
ਜੇਮਜ਼ ਨੇ ਕਿਹਾ ਕਿ ਇਹ ਬੈਨੇਫਿਟ ਉਨ੍ਹਾਂ ਬੀ.ਸੀ. ਨਿਵਾਸੀਆਂ ਲਈ ਹੈ ਜਿਨ੍ਹਾਂ ਦਾ ਕੰਮ ਕੋਵਿਡ-19 ਕਾਰਨ ਪ੍ਰਭਾਵਿਤ ਹੋਇਆ ਹੈ।
ਬੀ.ਸੀ.ਈ.ਬੀ.ਡਬਲਿਊ. ਯੋਗ ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਲਈ $1,000 ਦੀ ਇੱਕ ਸਮੇਂ ਦੀ ਟੈਕਸ ਮੁਕਤ ਅਦਾਇਗੀ ਹੈ।
ਇਸ ਦੇ ਯੋਗ ਉਹ ਲੋਕ ਹਨ ਜੋ 15 ਮਾਰਚ, 2020 ਤੋਂ ਬ੍ਰਿਟਿਸ਼ ਕੋਲੰਬੀਆ ਦੇ ਵਸਨੀਕ ਰਹੇ ਹਨ, ਸੀ.ਈ.ਆਰ.ਬੀ. ਲਈ ਯੋਗਤਾ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕੀਤਾ ਹੈ, ਸੀ.ਈ.ਆਰ.ਬੀ. ਲਈ ਪ੍ਰਵਾਨਗੀ ਮਿਲ ਗਈ ਹੈ, ਜਿਨ੍ਹਾਂ ਦੀ ਉਮਰ 15 ਸਾਲ ਤੋਂ ਵੱਧ ਹੈ, ਜਿਨ੍ਹਾਂ ਨੇ 2019 ਦਾ ਬੀ.ਸੀ. ਇਨਕਮ ਟੈਕਸ ਰਿਟਰਨ ਫਾਈਲ ਕੀਤਾ ਹੈ ਜਾਂ ਫਾਈਲ ਕਰਨਾ ਹੈ।
ਜੇਮਜ਼ ਮੁਤਾਬਕ ਜੋ ਲੋਕ ਸੂਬਾ ਆਮਦਨੀ ਸਹਾਇਤਾ ਜਾਂ ਡਿਸਿਬਿਲਿਟੀ ਸਹਾਇਤਾ ਪ੍ਰਾਪਤ ਕਰ ਰਹੇ ਹਨ, ਇਸ ਦੇ ਯੋਗ ਨਹੀਂ ਹੋਣਗੇ।
