ਐਡਮਿੰਟਨ ਪਬਲਿਕ ਸਕੂਲ ਦੇ ਤਿੰਨ ਹਜ਼ਾਰ ਤੋਂ ਵਧੇਰੇ ਸਪੋਰਟ ਸਟਾਫ ਦੇ ਵਰਕਰਾਂ ਨੇ ਸ਼ੁਰੂ ਕੀਤੀ ਹੜਤਾਲ

ਐਡਮਿੰਟਨ ਪਬਲਿਕ ਸਕੂਲ ਦੇ ਤਿੰਨ ਹਜ਼ਾਰ ਤੋਂ ਵਧੇਰੇ ਸਪੋਰਟ ਸਟਾਫ ਵਰਕਰਜ਼ ਨੇ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨਾਲ ਵਿਦਿਆਰਥੀਆਂ ਦੀ ਪੜ੍ਹਾਈ ਪ੍ਰਭਾਵਿਤ ਹੋ ਰਹੀ ਹੈ। ਸਟਾਫ ਦਾ ਕਹਿਣਾ ਹੈ ਕਿ ਕਰੀਬ 10 ਸਾਲਾਂ ਤੋਂ ਉਨ੍ਹਾਂ ਦੀ ਤਨਖਾਹ ਵਿਚ ਵਾਧਾ ਨਹੀਂ ਕੀਤਾ ਗਿਆ।

ਕੈਨੇਡੀਅਨ ਯੂਨੀਅਨ ਆਫ਼ ਪਬਲਿਕ ਇੰਪਲਾਈਜ਼ ਮੁਤਾਬਕ ਐਲਬਰਟਾ ਦੇ ਸਪੋਰਟ ਵਰਕਰਜ਼ ਸਲਾਨਾ $34,500 ਕਮਾਉਂਦੇ ਹਨ। ਐਡਮਿੰਟਨ ਵਿਚ ਰੌਸ ਸ਼ੇਪਰਡ ਸਕੂਲ ਦੇ ਬਾਹਰਲੇ ਪਾਸੇ ਕੁਝ ਸਟਾਫ ਪੋਸਟਰ ਲੈ ਕੇ ਮੌਜੂਦ ਸੀ।

ਔਫੀਸਰਜ਼ ਮੁਤਾਬਕ ਸ਼ਾਮ 4 ਵਜੇ ਤੱਕ ਐਮ.ਈ.ਲਾਜ਼ਰਟੇ ਹਾਈ ਸਕੂਲ ਅਤੇ ਐਲਡਰ ਡਾ. ਫਰਾਂਸਿਸ ਵਿਸਕੀਜੈਕ ਹਾਈ ਸਕੂਲ ਨੇੜੇ ਟਰੈਫਿਕ ਜਾਮ ਹੋ ਸਕਦੀ ਹੈ। ਵਾਹਨ ਚਾਲਕ ਨੂੰ ਦੂਜੇ ਰਸਤਿਓਂ ਜਾਣ ਦੀ ਅਪੀਲ ਕੀਤੀ ਹੈ।