12.38C Vancouver 12.38C VancouverJul 28, 2022 7:32 PM - Connect News
ਸਰੀ ਆਰ.ਸੀ.ਐਮ.ਪੀ. ਦੀ ਕਮਿਊਨਿਟੀ ਰਿਸਪਾਂਸ ਯੂਨਿਟ ਵੱਲੋਂ 3 ਲੋਕਾਂ ਦੀ ਗ੍ਰਿਫਤਾਰੀ ਕੀਤੀ ਗਈ ਹੈ।
ਹਾਲ ਦੇ ਦਿਨਾਂ 'ਚ ਕੀਤੇ ਗਏ ਟਰੈਫਿਕ ਸਟੌਪਸ ਦੌਰਾਨ ਮਲਟੀਪਲ ਵਰੰਟਾਂ 'ਤੇ ਹੋਈਆਂ ਇਨ੍ਹਾਂ ਗ੍ਰਿਫਤਾਰੀਆਂ ਦੌਰਾਨ ਬੰਦੂਕਾਂ ਅਤੇ ਬੌਡੀ ਆਰਮਰ ਵੀ ਬਰਾਮਦ ਹੋਏ ਹਨ।
ਇੱਕ ਸ਼ੱਕੀ ਨੂੰ ਟਰੈਕ ਕਰਨ ਲਈ ਏਅਰ 1 ਹੈਲੀਕੌਪਟਰ ਦੀ ਮਦਦ ਲਈ ਗਈ ਸੀ।
ਇਹ ਸ਼ੱਕੀ ਪੁਲਿਸ ਕੋਲੋਂ ਬਚ ਨਿਕਲਿਆ ਸੀ।
ਪਹਿਲਾ ਮਾਮਲਾ 21 ਜੁਲਾਈ ਦਾ ਦੱਸਿਆ ਗਿਆ ਅਤੇ ਸ਼ਾਮ ਕਰੀਬ 6.23 ਵਜੇ ਸਰੀ ਆਰ.ਸੀ.ਐਮ.ਪੀ. ਦੇ ਕਮਿਊਨਿਟੀ ਰਿਸਪਾਂਸ ਯੂਨਿਟ ਦੇ ਅਫਸਰਾਂ ਨੇ 154 ਸਟ੍ਰੀਟ ਦੇ 9900 ਬਲੌਕ ਇੱਕ ਵਾਹਨ ਨੂੰ ਇਨਐਕਟਿਵ ਇੰਸ਼ੋਰੈਂਸ ਕਾਰਨ ਰੋਕਿਆ।
ਇਸੇ ਦੌਰਾਨ ਇੱਕ 40 ਸਾਲਾ ਆਦਮੀ ਅਤੇ 20 ਸਾਲਾ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜਿੰਨਾ ਦੀ ਸਰੀ, ਕੈਮਲੂਪਸ, ਔਲਿਵਰ ਅਤੇ ਕੈਲੋਨਾ 'ਚ ਆਊਟਸਟੈਂਡਿੰਗ ਵਰੰਟਾਂ 'ਤੇ ਭਾਲ ਕੀਤੀ ਜਾ ਰਹੀ ਸੀ।
ਗੱਡੀ ਦੀ ਤਲਾਸ਼ੀ ਦੌਰਾਨ ਇੱਕ ਭਰੀ ਹੋਈ ਬੰਦੂਕ ਅਤੇ ਬੌਡੀ ਆਰਮਰ ਬਰਾਮਦ ਹੋਏ।
ਦੋਵਾਂ ਲੋਕਾਂ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ। ਇਸ ਤੋਂ ਬਾਅਦ 22 ਜੁਲਾਈ ਨੂੰ ਰਾਤ ਕਰੀਬ 8.39 ਵਜੇ ਪੁਲਿਸ ਵੱਲੋਂ ਇੱਕ ਕੈਦੀ ਨਾਲ ਸੰਬੰਧਤ ਗੱਡੀ ਬਾਰੇ ਯੂਨੀਵਰਸਿਟੀ ਡਰਾਈਵ ਦੇ 10800 ਬਲੌਕ 'ਚ ਪਤਾ ਕੀਤਾ ਜਾ ਰਿਹਾ ਸੀ।
ਪੁਲਿਸ ਅਨੁਸਾਰ ਸ਼ੱਕੀ ਨੂੰ ਪਤਾ ਲਗ ਗਿਆ ਅਤੇ ਉਸ ਨੇ ਤੇਜ ਰਫਤਾਰ 'ਤੇ ਲਾਲ ਬੱਤੀਆਂ ਟਪਾਉਂਦੇ ਹੋਏ ਗੱਡੀ ਭਜਾ ਲਈ ਪਰ ਇਸ ਨੂੰ ਏਅਰ 1 ਹੈਲੀਕੌਪਟਰ ਆਸਰੇ ਕਾਬੂ ਕਰ ਲਿਆ ਗਿਆ।
ਸ਼ੱਕੀ ਦੀ ਉਮਰ 37 ਸਾਲ ਦੱਸੀ ਗਈ ਹੈ।
