16.79C Vancouver 16.79C VancouverJan 21, 2020 5:05 PM -
ਕੈਨੇਡਾ ਵਿੱਚ ਨਵੀਂ ਕਿਸਮ ਦੇ ਵਾਇਰਲ ਨਿਮੋਨੀਆ (viral pneumonia) ਦੇ ਤਿੰਨ ਕੇਸਾਂ ਦੀ ਜਾਂਚ ਤੋਂ ਬਾਅਦ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਇਹ ਕਰੋਨਾਵਾਇਰਸ (coronavirus) ਨਹੀਂ ਹੈ।
ਉਧਰ ਚੀਨ ਵਿੱਚ ਇਸ ਬਿਮਾਰੀ ਤੋਂ ਹੋਈਆਂ ਚਾਰ ਮੌਤਾਂ ਤੋਂ ਬਾਅਦ ਵਰਲਡ ਹੈਲਥ ਆਰਗਨਾਈਜੇਸ਼ਨ (World Health Organization) ਵੱਲੋਂ ਇੱਕ ਐਮਰਜੈਂਸੀ ਮੀਟਿੰਗ ਆਯੋਜਿਤ ਕਰਨ ਦਾ ਐਲਾਨ ਕੀਤਾ ਗਿਆ ਹੈ ਤਾਂ ਕੀ ਇਹ ਫ਼ੈਸਲਾ ਕੀਤਾ ਜਾ ਸਕੇ ਕਿ ਇਸ ਨੂੰ ਅੰਤਰਰਾਸ਼ਟਰੀ ਐੱਮਰਜੈਂਸੀ ਕਰਾਰ ਦੇਣਾ ਹੈ ਜਾਂ ਨਹੀਂ।
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਔਫੀਸਰ, ਡਾਕਟਰ ਥਰਿਸਾ ਟੈਮ (Dr.Theresa Tam) ਨੇ ਇਹ ਦੱਸਣ ਤੋਂ ਇਨਕਾਰ ਕੀਤਾ ਹੈ ਕਿ ਕੈਨੇਡਾ ਵਿੱਚ ਇਹ ਕੇਸ ਕਿੱਥੇ ਪਾਏ ਗਏ ਹਨ।
ਪਰ ਉਨ੍ਹਾਂ ਇਹ ਗੱਲ ਸਾਂਝੀ ਕੀਤੀ ਕਿ ਇਹ ਸਾਰੇ ਵਿਅਕਤੀ ਚੀਨ ਦੇ ਸੂਬੇ ਵੁਹਾਨ ਗਏ ਸਨ ਜਿੱਥੇ ਇਸ ਕਰੋਨਾਵਾਇਰਸ ਦੇ ਸ਼ੁਰੂ ਹੋਣ ਦਾ ਖਦਸ਼ਾ ਹੈ।
ਇਹ ਨਵਾਂ ਕਰੋਨਾਵਾਇਰਸ ਪਹਿਲਾਂ ਜਾਨਵਰਾਂ ਤੋਂ ਹੁੰਦਾ ਮੰਨਿਆ ਜਾ ਰਿਹਾ ਸੀ ਪਰ ਹੁਣ ਚੀਨੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਇਕ ਵਿਅਕਤੀ ਤੋਂ ਦੂਸਰੇ ਵਿਅਕਤੀ ਨੂੰ ਹੋ ਰਿਹਾ ਹੈ ਅਤੇ ਹੁਣ ਤੱਕ 217 ਕੇਸ ਸਾਹਮਣੇ ਆ ਚੁੱਕੇ ਹਨ।
ਟੈਮ ਨੇ ਕਿਹਾ ਕਿ ਕੈਨੇਡੀਅਨ ਲੋਕਾਂ ਨੂੰ ਇਹ ਬੀਮਾਰੀ ਹੋਣ ਦਾ ਖਤਰਾ ਘੱਟ ਹੈ ਅਤੇ ਬਚਾਅ ਵਾਸਤੇ ਵਾਜਬ ਕਦਮ ਚੁੱਕੇ ਜਾ ਰਹੇ ਹਨ।
ਵੈਨਕੂਵਰ, ਟੋਰਾਂਟੋ ਅਤੇ ਮਾਂਟਰੀਅਲ ਦੇ ਹਵਾਈ ਅੱਡਿਆਂ ਤੇ ਵੁਹਾਨ ਤੋਂ ਆ ਰਹੇ ਯਾਤਰੀਆਂ ਨੂੰ ਫਲੂ ਦੀਆਂ ਨਿਸ਼ਾਨੀਆਂ ਵਾਸਤੇ ਸਕ੍ਰੀਨ ਕੀਤਾ ਜਾ ਰਿਹਾ ਹੈ।
